Մենենդեսն ԱՄՆ կոնգրեսին կոչ է արել կրճատել ռազմական օգնությունն Ադրբեջանին

Մենենդեսն ԱՄՆ կոնգրեսին կոչ է արել կրճատել ռազմական օգնությունն Ադրբեջանին

PanARMENIAN.Net - ԱՄՆ Սենատի արտաքին հարաբերությունների հանձնաժողովի նախագահ Բոբ Մենենդեսը, անդրադառնալով ադրբեջանական հարձակմանը ՀՀ արևելյան սահմանագոտու ուղղությամբ, ԱՄՆ կոնգրեսին կոչ է արել կրճատել ռազմական օգնությունն Ադրբեջանին։

«Ադրբեջանի կողմից ՀՀ արևելյան սահմանագոտու ուղղությամբ հարձակման հետևանքով հայ զինծառայողների թվում զոհերի և գերեվարվելու մասին հաղորդումները խորը մտահոգություն են առաջացնում։ Ադրբեջանին տրամադրվող ռազմական օգնությունը օգնում է հրեշավոր գործողություններ իրականացնել էթնիկ հայերի դեմ։ Ժամանակն է ընդունել NDAA-ի իմ առաջարկած փոփոխությունը, որով այդ օգնությունը կկրճատվի»,-ասվում է գրառման մեջ։

ԱՄՆ Սենատի արտաքին հարաբերությունների հանձնաժողովի նախագահ Բոբ Մենենդեսն ավելի վաղ նաև բանաձևեր էր ներկայացրել Ադրբեջանին սպառազինությունների վաճառքը դադարեցնելու վերաբերյալ։

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1–ից ՀՀ–ն պաշտոնապես միացել է Հաագայի Միջազգային քրեական դատարանին
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
---