Friday, 29 03 2024
17:20
Հարավաֆրիկյան Հանրապետությունում 45 մարդ է զոհվել կամրջից ավտոբուսի ընկնելու հետևանքով
17:10
Կիևը և Վարշավան մտադիր են անվտանգության երաշխիքների մասին համաձայնագիր կնքել
17:00
Live. «Առաջին լրատվական» տեղեկատվական-վերլուծական կենտրոն
16:50
Ֆրանսիան կարող է չեղարկել Փարիզում Օլիմպիադայի բացման արարողությունը
16:40
Բրիտանիան չեղարկել է 100-ամյա արգելքը և թույլ կտա զինվորականներին մորուք պահել
ՌԴ ԱԳ փոխնախարարը հանդիպել է Աբխազիայի և Հարավային Օսիայի ներկայացուցիչներին
16:20
«Արաբական երկրները պատրաստ են ճանաչել Իսրայելը». Բայդեն
16:10
Իսպանիայում տեղակայվել է ՆԱՏՕ-ի երրորդ ռազմածովային բազան
Ադրբեջանցիները մշտապես ատել են հայերին. մեր խնդիրն է ցույց տալ սա
Դեղձենու մասսայական ծաղկում Արարատյան դաշտում՝ ժամկետից շուտ
Ո՞նց են որոշել, որ դա Հայաստանի տարածքը չ,է, եթե սահմանը հստակեցված չէ ․ Արա Պապյան
Փորձ է արվում 3 անձերի կատարածը ԱԺԲ ամբողջ կառուլցի հետ կապել. Պապյան
15:45
«ԱՄՆ-ն ու ԵՄ-ը Հայաստանի հետ անվտանգային հարցեր չեն քննարկելու». Ստանո
ՊՆ կոլեգիայի նիստում քննարկվել են սպառազինության և ռազմական տեխնիկայի զարգացման հարցեր
«Ցուցադրությունն անպայման տեղի կունենա». Բաքվում պարզաբանում են տարածել Արայիկ Հարությունյանի հարցազրույցի վերաբերյալ
Եթե դելիմիտացիա, ապա հավասարության սկզբունքով, ոչ թե՝ «ատրճանակի սպառնալիքի տակ»
15:30
Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին
Վարագույրից այն կողմ կան շահեր, որոնք թույլ չեն տալիս Մարտի 1-ի բացահայտումը
15:10
Ճապոնիայում կենսաբանական հավելումների օգտագործման հետևանքով զոհերի թիվը հասել է 5-ի
Այո՛, օրենք են խախտել, երկրով մեկ օրենքի խախտումներ են հենց վարչապետի մասնակցությամբ
Խորհրդարանական լսումներ կհրավիրվեն Եվրաինտեգրման նոր հեռանկարները և մարտահրավերները թեմայով
Թող դատարանը որոշի ահաբեկչությո՞ւն էր, թե ապստամբություն.Պապյան
15:01
Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի
Ինչի՞ է նախապատրաստվում Ալիեւը
«Կրոկուս սիթի հոլ»-ում ահաբեկչության վիրավորների թիվը հասել է 382-ի, ևս 1 մարդ զոհվել է
«Մանրամասներ»․ Դավիթ Ստեփանյանի հետ
Պաղեստինի նոր կառավարության ԱԳ նախարարը ծագումով հայ է և կին
Պապոյանը Կորեայի պաշտոնյային ներկայացրել է Հայաստանի ներդրումային հնարավորությունները
Հայտնի են ձվի շուկայում միջանկյալ ստուգումների արդյունքները
14:00
Live. «Առաջին լրատվական» տեղեկատվական-վերլուծական կենտրոն

Մոտ է այն պահը, որ Խաչատուրովին լսելուց հետո, հրավեր կուղարկվի Սերժ Սարգսյանին

«Առաջին լրատվական»-ի զրուցակիցն է Ազգային ժողովի պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը:

– Կհամաձայնեք երևի՝ բարդ շրջան ենք մտել:

– Այո՛, մենք հերթական փորձությանը պետք է դիմակայենք:

– Հատկապես պետական ինստիտուտների համար է փորձություն:

– Պետական ինստիտուտների, նոր իշխանությունների համար սա բարդ փորձություն է, և ես համոզված եմ, որ իշխանությունները պատվով դուրս կգան այս փորձության միջից, որովհետև իրենք ունեն լեգիտիմության այնպիսի աստիճան, որը հնարավորություն է տալու հասարակության հետ մտնել երկխոսության մեջ, բացատրել իրողությունները և ստանալ աջակցություն:

– Կորոնավիրուսը կստիպի անել այն, ինչ չէինք անում ինքնակամ:

– Կորոնավիրուսն ամբողջ աշխարհին է ստիպում սթափվել և կարողանալ ներքին ու արտաքին խնդիրներին այլ աչքով նայել և դուրս գալ այլ մակարդակի վրա: Այդ վիրուսը ստիպում է նաև պետություններին՝ այս պահի կառավարման համակարգը կարգավորել և դուրս գալ այնպիսի մակարդակի վրա, որը հնարավորություն կտա նոր խնդիրներին տալ բարձրակարգ լուծում:

– Ճիշտ չէ՞ր լինի արտակարգ դրությունն ավելի շուտ հայտարարել:

– Խորհրդարանում էլ քննարկվում էր այդ հարցը. ամեն դեպքում երեկ (մարտի 16-ին) հայտարարվեց արտակարգ դրություն… Եվ այսօր պարետն արդեն լիազորություններ ունի կարգավորել երկրում ստեղծված խնդիրները՝ թե՛ կառավարման համակարգի հետ կապված, թե՛ կորոնավիրուսի դեմ տարվող պայքարի:

– Ինչպե՞ս թույլ չտալ, որ կորոնավիրուսը հանկարծ ներթափանցի բանակ:

– Դա գերկարևոր խնդիր է, պաշտպանության նախարարը և Գլխավոր շտաբի պետը ստորագրել են հրամաններ, և ամեն ինչ արվում է, որպեսզի վարակը բանակում չհայտնվի, կարելի է ասել, միայն բանակն է կարանտինային ռեժիմում… Բանակի հանդեպ զգոնությունը պետք է տասնապատիկ ավելի բարձր լինի, պետք է բացառվեն շփումները, որոնք նախատեսված չեն բանակի օրակարգով: Բանակը պետք է անհավատալիորեն ստերիլ վիճակում լինի, այս վիրուսը պետք է հեռու պահել բանակից…

– Վերադառնանք Ապրիլյան պատերազմի հանգամանքներն ուսումնասիրող քննիչ հանձնաժողովի աշխատանքներին: Ճի՞շտ է տեղեկությունն այն մասին, որ Յուրի Խաչատուրովին ուղղված ձեր հրավերը մերժվել է:

– Ո՛չ, ես հեռախոսազրույց եմ ունեցել Յուրի Խաչատուրովի հետ և առաջարկել, որ հանձնաժողովը ցանկանում է իրեն լսել: Ես ունեցել եմ նաև զրույցներ բարձրաստիճան այլ զինվորականների հետ, որոնք Յուրի Գրիգորիչի հետ ակտիվ կոնտակտներ ունեն, և բացատրել եմ, որ ինչպես եկել են մյուս բարձրաստիճան պաշտոնյաները, Յուրի Խաչատուրովը նույնպես պետք է գա, որովհետև մենք վերջնական փուլում պարտադիր պետք է լսենք նրան և դրանից հետո նաև Սերժ Սարգսյանին: Այս երկու կարևոր պաշտոնյաները պետք է տան այն հարցերի պատասխանները, որոնք մենք հավաքագրել ենք մեր աշխատանքի արդյունքում, և այդ հարցերը պետք է ուղղենք միայն իրենց: Մյուս հարցերը ում որ պետք է տայինք, արդեն տվել ենք, և արդեն ունենք Ապրիլյան պատերազմի ընթացքում ամեն մի պաշտոնյայի իրացրած լիազորությունների և նրա կատարած կամ չկատարած հրամանների մասին:

– Այսինքն՝ իրազեկել եք նաև Սերժ Սարգսյանին:

– Դեռ ոչ, բայց ես Սերժ Սարգսյանին բազմիցս ասել եմ, որ հանձնաժողովը ունի որոշում, որ իրեն նույնպես պետք է հրավիրի, և շատ մոտ է այդ պահը, Յուրի Խաչատուրովին լսելուց հետո հանձնաժողովը մի քանի այլ պաշտոնյաների ևս կլսի, որոնք առնչություն են ունեցել պաշտպանության բանակի կառավարման ժամանակաշրջանի հետ, որից հետո Սերժ Սարգսյանին կուղարկվի հրավեր: Ես նամակով հրավերն ուղարկել եմ արդեն Յուրի Խաչատուրովի առանձնատուն, նա տանը չի եղել, բայց կինը ստորագրել և վերցրել է, այսինքն՝ նա տեղեկացված է, մենք առաջարկել ենք, որ մինչև մարտի 25-ը դրական կամ բացասական պատասխանի վերաբերյալ գրավոր պատասխան ուղարկի, և եթե չի ներկայանալու, ապա հիմնավորի: Չնայած ես բացառում եմ չգալը, որովհետև դա կնշանակի կիսել պատասխանատվությունը այն հարցերի շրջանակում, որոնք առաջացել են:

– Նման դեպքերում ի՞նչ եք նախատեսել անել:

– Այդ դեպքում մենք կհնչեցնենք այն հարցերը, որոնք պետք է տայինք այդ մարդկանց, իսկ այդ հարցերը բավականին ծանր հարցեր են: Յուրաքանչյուր պաշտոնյա իր պարտքը պետք է համարի գալ և քննիչ հանձնաժողովին տալ բացատրություններ այն ամենի մասին, ինչ տեղի է ունեցել… Այդ հարցերը միտված են բանակի բացթողումները վերացնելուն և ավելի ուժեղ բանակ ունենալուն…

– Անդրադառնանք մեկ այլ խնդրի՝ ՌԴ-ում ձերբակալվեց, հետո ազատ արձակվեց Մարտի 1-ի գործով քննչական խմբի ղեկավարը, հասկացե՞լ եք՝ ինչ է կատարվել:

– Իհարկե, Ռուսաստանում բազմիցս ձերբակալվելու են, հետո ազատ են արձակվելու, հետո էլի են ձերբակալվելու, ես միշտ իմ հարցազրույցներում ասել եմ՝ վերադարձե՛ք հայրենիք և նախաքննական մարմինների հետ ձեր ակտիվ շփումների արդյունքում պատասխանեք այն հարցերին, որոնք ձեզ պետք է տան նախաքննական մարմինները: Օտարության մեջ դուք անընդհատ վտանգված եք, անընդհատ ձեզ ձերբակալելու են, մի օր էլ կարող է ձերբակալեն բաց չթողնեն, ավելի լավ է դուք հայրենիքում պատասխանեք այն հարցերին, որոնք առաջացել են ձեր պաշտոնավարման ընթացքում, և սպասում են պատասխանների, դրանք վերաբերում են Մարտի մեկին: Նույնը կարող եմ ասել նաև Ապրիլյան պատերազմի վերաբերյալ, եթե առաջացած հարցեր կան, նշանակում է դրանց տնօրինող պաշտոնյաները պետք է այդ հարցերին պատասխանեն, և ըստ դրա ունենան որոշակի կարգավիճակ:

– Տարօրինակ չէ՞ ձերբակալել, հետո բաց թողնելը, եթե պիտի բաց թողնեին, ինչո՞ւ էին ձերբակալել:

– Չէ, ձերբակալում են, որպեսզի ինչ-որ բաների էլ իրենք տնօրինեն, բռնում են, որովհետև նրանք հետախուզման մեջ են, ես այդպես եմ հասկանում, կամ ձերբակալում են, քանի որ չունեն ինչ-որ կարգավիճակ այլ պետության մեջ իրենց կյանքը դասավորելու:

– Մենք պետք է արձագանքե՞նք դրան:

– Մեր արձագանքը եղել է հետախուզում հայտարարելը, որովհետև այդ մարդիկ Հայաստանը լքել են կոնկրետ իրավիճակներում, և ՀՔԾ-ն հետախուզում է հայտարարել նրանց նկատմամբ, այդ մարդկանց թվում է նաև Գևորգ Կոստանյանը, ավելի լավ է գան Հայաստան և ազնվորեն պատասխանեն նախաքննական մարմնի հարցերին:

 

Հարցազրույցն ամբողջությամբ՝ տեսանյութում:

Բաժիններ
Ուղիղ
Լրահոս
Որոնում