46-ամյա մոդել Հայդի Քլումը, ինչպես երևում Է, որոշել է փոքր-ինչ զվարճանալ և մի շարք չարաճճի լուսանկարներ է տեղադրել ցանցում:
Վերջերս տեղեկատվություն էր հայտնվել, որ Հայդի Քլումը և նրա երիտասարդ սիրեցյալը՝ Tokio Hotel-ի 29-ամյա կիթառահար Թոմ Քաուլիթցը, ամուսնացել են դեռ փետրվարին: Բայց, չնայած այն բանին, որ զույգն այդ իրադարձությունը երկար ժամանակ գաղտնի էր պահում, նրանք հրապուրիչ լուսանկարները երկրպագուներից չեն թաքցնում:
Հայդին իր ինստագրամում տեղադրել է մի շարք լուսանկարներ, որտեղ մահճակալի վրա խաղուն կեցվածք է ընդունել լողազգեստով, որի վրա պատկերված են պղպեղներ. դատելով ըստ ամենայնի, որպես լուսանկարիչ հանդես է եկել նրա ռոքեր ամուսինը:
Քլումը լուսանկարներին կից թողել է «Պիցցա և սպագետի» մակագրությունը՝ դրան հավելելով սրտիկներ: Զույգն այժմ հանգստանում է Իտալիայում, բայց նրանք այնտեղ հենց այնպես չեն ուղևորվել: Ինչպես գրում է Hollywoodlife-ը, սիրահարները ցանկանում են ևս մեկ անգամ նշել հարսանիքը՝ այս անգամ Կապրիում, հաղորդել է Life-ը:
