Մոսկվայի «Արարատ»-ը հաղթեց «Սատուրն»-ին և գլխավորեց մրցաշարային աղյուսակը
15:33, 4 Օգոստոս 2017
ԵՐԵՎԱՆ, 4 ՕԳՈՍՏՈՍԻ, ԱՐՄԵՆՊՐԵՍ: Ռուսաստանի երկրորդ դիվիզիոնի առաջնության 3-րդ տուրում Մոսկվայի «Արարատ»-ը մրցակցի հարկի տակ 2:1 հաշվով կամային հաղթանակ տարավ Ռամենսկի «Սատուրն»-ի նկատմամբ: «Արմենպրես»-ի փոխանցմամբ, «Արարատ»-ի կազմում գոլերի հեղինակներ դարձան Ռոման Պավլյուչենկոն և Մարատ Իզմայիլովը:
«Արարատ»-ը 7 միավորով գլխավորում է մրցաշարային աղյուսակը: Մոսկվայի հայկական թիմն օգոստոսի 7-ին` Ռուսաստանի գավաթի խաղարկության շրջանակում, կրկին կհանդիպի «Սատուրն»-ի հետ:
Այս մրցավեճում արարատցիների ղեկին էր ավագ մարզիչ Պողոս Գալստյանը, ով մի քանի օր առաջ է գլխավորել թիմը:
Բաժանորդագրվեք մեր ալիքին Telegram-ում