Փորձագետներն անհանգստացած են Ալյասկայի, ինչպես նաև Արկտիկայի այլ տարածքներում կուղբերի թվաքանակի կտրուկ աճով: Կենսաբաններն ու կլիմայագետները հետաքրքիր կախվածություն են նկատել. այդ կրծողների պոպուլյացիայի ընդլայնումը հնարավոր է դարձել կլիմայի տաքացման և հավերժական սառույցների հալման պատճառով: Տարածաշրջանը հարմարավետ է դարձել կենդանիների բնակվելու համար: Բայց հիմա կուղբերն իրենք են «հալեցնում» հավերժական սառույցը: Այս մասին գրում է Environmental Research Letters ամսագիրը:
Կլիմայագետները պարզել են, որ կուղբերը, ամբարտակներ կառուցելով, մեծ թվով լճերի գոյացման պատճառ են դարձել, դրանց ընդհանուր մակերեսն աճել է 8.3%-ով: Կրծողները գտնում են հին լճերի գոգահովիտները, որոնք չորացել են մինչև Սառցե դարաշրջանի սկիզբը և այնտեղ կառուցում են իրենց ամբարտակները: Լճերը լցվում են ջրով: Նման ամբարտակների քանակն աճում է երկրաչափական պրոգրեսիայով:
Տաք լճերի ձևավորումն արագացնում է հավերժական սառույցների հալումը, որոնք գտնվում են նախկին չոր գոգահովիտների հատակի տակ:
Գիտնականները գտնում են, որ կուղբերը նման «գործընթացներ են սկսել» ոչ միայն Ալյասկայում, այլև Կանադայում և Եվրասիայում:
Հետազոտողները հիշեցրել են, որ հավերժական սառույցների անհետացումից հետո Արկտիկայի շրջաններն արագորեն չորանալու են, և այդ դեպքում հյուսիսում տարածքի ընդգրկման և հզորության առումով աղետալի հրդեհներ են բռնկվելու: