Դեռևս հունիսին վարչապետ Նիկոլ Փաշինյանի տիկին Աննա Հակոբյանը Մոսկվա կատարած այցի շրջանակներում հայտարարել էր «Կանայք՝ հանուն խաղաղության» արշավի մեկնարկի մասին՝ բոլոր կողմերին կոչ անելով անել առավելագույնը թնդանոթները շրջանցելու համար:
«Կանայք հանուն խաղաղության» արշավին միացան նաև Ապրիլյան պատերազմում զոհված երիտասարդների մայրերը:
«Եթե ահաբեկիչները չլինեն, մեր տղաները չեն զոհվի»,- «Առաջին լրատվական»-ի հետ զրույցում ասաց Ապրիլյան պատերազմի ժամանակ զոհված Արմենակ Ուրֆանյանի մայրը՝ Համեստ Ներսիսյանը, և հավելեց, որ մինչև հեղափոխությունը ինքն էլ է ցանկացել նման նախաձեռնությամբ հանդես գալ:
Ինչ վերաբերում է օլիգարխների կանանց ուղղված Աննա Հակոբյանի կոչի արձագանքներին, մեր զրուցակիցն ասաց. «Պատերազմից հետո ոչ մի արձագանք չի եղել որևէ օլիգարխի կողմից, և ոչ էլ ես սպասում էի արձագանքի: Մեզ օգնել է Սփյուռքը»:
Տիկին Ներսիսյանը նշեց, որ իրենք հագնելու են սպիտակ զգեստներ և կանգնելու են սահմանին. «Եթե մեր մայրերը և ադրբեջանցիների մայրերը կանգնեն սահմանի եզրագծով, ի՞նչ է, տղաները կրակելո՞ւ են իրենց մայրերի վրա»:
Մանրամասները՝ տեսանյութում:
