211652_close_icon
views-count37470 դիտում article-date 22:42 31-07-2021

Ավտովթար Կոտայքի մարզում. հյուրանոցային համալիրի մենեջերը Mercedes-ով բախվել է քարե պատնեշին. 16-ամյա տղաները տեղափոխվել են հիվանդանոց. ՖՈՏՈՌԵՊՈՐՏԱԺ

Այսօր՝ հուլիսի 31-ին, արտակարգ դեպք է տեղի ունեցել Կոտայքի մարզում:
 
Ժամը 18:50-ի սահմաններում, «Չարենցավան» բժշկական կենտրոնից ոստիկանության Չարենցավանի բաժին ահազանգ է ստացվել, որ մարմնական վնասվածքներով իրենց մոտ են տեղափոխվել 2 տղա երեխա:
 
Ինչպես հայտնում է ֆոտոլրագրող Գագիկ Շամշյանը, հիվանդանոց են մեկնել Ճանապարհային  ոստիկանության 2-րդ սպայական գումարտակի 3-րդ վաշտի 2-րդ դասակի ծառայողները՝ վաշտի հրամանատար Արթուր Պետրոսյանի, դասակի հրամանատար Սարգիս Բագրատյանի գլխավորությամբ:
 
Ժամանել է նաև ոստիկանության Չարենցավանի բաժնի պետ Սերգո Մարկոսյանը:
 
Ոստիկանները պարզել են, որ վիրավորներն են Արզական գյուղի բնակիչ, 16-ամյա Էդմոն Հ.-ն և Երևանի բնակիչ, 16-ամյա Վահան Ս.-ն:
 
Ոստիկանները պարզել են, որ այսօր՝ ժամը 18:00-ի սահմաններում, Արզական գյուղի բնակիչ, 30-ամյա Խոսրով Հայրապետյանը, Արզական գյուղի Երևանյան փողոցում, իր վարած Mercedes մակնիշի ավտոմեքենայով դուրս է եկել ճանապարհի երթևեկելի գոտուց և բախվել ճամփեզրի քարե պատնեշին, ինչի հետևանքով էլ երեխաները վնասվածքներով տեղափոխվել են հիվանդանոց:
 
Տեղում հետաքննական աշխատանքները ղեկավարել է ՃՈ 2-րդ սպայական գումարտակի 3-րդ վաշտի ավագ հետաքննիչ Արթուր Մինասյանը, ում կողմից փաստի առթիվ նյութեր են նախապատրաստվում:
 
Գ. Շամշյանի տեղեկություններով, վարորդ Խ. Հայրապետյանը աշխատում է «Աղվերան» հյուրանոցային համալիրում՝ որպես մենեջեր:
 
Լուսանկարները՝ Մհեր Ղալեչյանի
 
[color=#CC0000]Ծանուցում[/color]. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
ԼՈՒՍԱՆԿԱՐՆԵՐ 22+
22+

Նմանատիպ նյութեր