Պատգամավոր Սլուկցին մեղադրվում է լրագրողների նկատմամբ սեռական ոտնձգությունների մեջ
ՌԴ Պետդումայի Լիբերալ-դեմոկրատական կուսակցության պատգամավոր, Միջազգային քաղաքականության հարցերով հանձնաժողովի ղեկավար Լեոնիդ Սլուցկին մեղադրվում է Դումայում աշխատող լրագրողների նկատմամբ սեռական ոտնձգություններ կատարելու մեջ:
Շաբաթներ առաջ տարածված մեղադրանքները Սլուկցին անվանել էր նախընտրական սադրանք:
«Ես շատ շոյված եմ, որ Հարվի Վայնշտեյնի (սեռական ոտնձգությունների մեջ մեղադրվող ամերիկացի ռեժիսոր-խմբ.) հետ կատարվածը Ռուսաստանում պրոեկցելու համար ընտրել են իմ համեստ անձը, սակայն ընտրել են ոչ հաջող»,-ասել էր Սլուցկին ու պահանջել ապացույցներ:
Սլուցկիին սեռական ոտնձգության մեջ է մեղադրում նաև BBC-ի ռուսական ծառայության լրագրող Ֆարիդա Ռուստամովան: Նշվում է, որ դեպքը տեղի է ունեցել 2017թ.-ի մարտի 24-ին, երբ լրագրողը գնացել է պատգամավորի աշխատասենյակ՝ նրանից մեկնաբանություն վերցնելու՝ այդ ժամանակ Ֆրանսիայի նախագահի թեկնածու Մարին Լը Պենի ՌԴ կատարած այցի վերաբերյալ: Լրագրողի ու պատգամավորի ողջ խոսակցությունը ձայնագրվել է:
Ինչպես ներկայացրել է BBC-ն, զրույցի ընթացքում Սլուցկին փոխում է խոսակցության թեման ու ասում «գուցե դու հրաժարվես այդ BBC-ից, ես քեզ մի տեղ կտեղավորեմ»: Ռուստամովան հրաժարվել է ու փորձել հստակեցնել, թե արդյոք ֆրանսիացի քաղաքական գործչի այցի հետ կապված մեկնաբանություններ տալուց հրաժարվելը պայմանավորված է նրանով, որ ինքն աշխատում է BBC-ում:
«Ոչ, դու ուղղակի ինձնից փախչում ես, չես ցանկանում համբուրվել, ես քեզանից վիրավորված եմ»,-ասել է Սլուցկին, ինչին ի պատասխան լրագրողը նշել է, որ ընկեր ունի ու ցանկանում է նրա կինը դառնալ:
«Գերազանց, կլինես նրա կինն ու իմ սիրուհին»,-ասել է Սլուցկին, խիստ մոտեցել լրագրողին ու ազատություն տվել ձեռքերին:
Լրագրողը նշում է, որ այդ ամենն այնքան անսպասելի է եղել, որ ինքն ուղղակի շոկի մեջ է հայտնվել:
Նշենք, որ ներկայանալ չցանկացած 3 լրագրողներ ևս հայտնել են Սլուկցիի կողմից իրենց նկատմամբ սեռական ոտնձգություններ կատարելու մասին: Առաջինը նշել է, որ պատգամավորն իր նկատմամբ ոտնձգություն է կատարել, երբ նրան հրավիրել է եթերի: Մյուս լրագրողը հայտնել է, որ իր նկատմամբ ոտնձգությունը տեղի է ունեցել 2017թ.-ին՝ Սլուցկիի աշխատասենյակում, ուր նա եկել էր աշխատանքի հետ կապված հարցեր տալու համար: Երրորդն էլ հայտնել է, որ չի խոսել ոտնձգությունների մասին՝ աշխատանքը կորցնելու վախից ելնելով:
Պետդումայի փոխխոսնակ Իգոր Լեբեդևը Սլուցկիի նկատմամբ մեղադրանքը ևս անվանել էր էթիկայի, քրեական իրավունքի կոպիտ խախտում ու վիրավորանք: Նշվում էր, որ հնարավոր է այդ լրագրողները զրկվեն հավատարմագրումից:
Լրահոս
Տեսանյութեր
Ամեն սարի գլխին, փեշին, անտառներում հայկական հետքեր են. Քաշաթաղի հուշարձանները՝ մեկ գրքում