Ցավ ծնկներո՞ւմ. փորձեք այս կոկտեյլը
Fithacker.ru-ն գրում է, որ ծնկները մարմնի առավել հաճախ շարժվող մասերից են, ինչի հետևանքով հաճախ են վնասվում։ Ծնկների հատվածում ցավ կարող է առաջանալ նաև արթրիտի պատճառով։ Որպեսզի ծնկներն առողջ լինեն, հարկավոր է պարբերաբար վարժություններ անել, լավ սնվել։ Գոյություն ունի նաև բնական կոկտեյլը, որի ամենօրյա օգտագործումը ևս կարող է օգտակար լինել։
Կոկտեյլը պատրաստելու համար հարկավոր է
- 1 բաժակ ջուր՝ 350 մլ
- 7 գրամ դարչին
- 2 բաժակ արքայախնձոր
- 1 բաժակ վարսակի փաթիլներ
- 1 բաժակ նարնջի թարմ քամած հյութ
- 40 գրամ մանրացրած նուշ
- 2-3 ճաշի գդալ օրգանական մեղր։
Պատրաստման եղանակը
- 1 բաժակ վարսակի փաթիլների վրա մի փոքր ջուր ավելացրեք, պատրաստեք այն։
- Նուշը, մեղրը, նարնջի հյութը, դարչինը խառնեք։
- Ավելացրեք արքայախնձորը, խառնեք։
- Ավելացրեք վարսակի փաթիլները, խառնեք այնքան, մինչև միասեռ զանգված ստանաք։
Պատրաստելուց հետո օգտագործեք կոկտեյլը։ Այն սառնարանում կարող եք պահել երեք օր։ Կոկտեյլը հարկավոր է օգտագործել ամեն օր՝ երկու շաբաթվա ընթացքում։
Նյութը հրապարակման պատրաստեց 168.am-ը
