Միջազգային «Deloitte» կազմակերպությունը ուսումնասիրություններ է իրականացնել աշխարհի 128 երկրների սոցոլորտներում:

Ըստ «Pressturk» լրատվամիջոցի՝ ուսումնասիրությունների արդյունքում պարզվել է, որ կրթության, խոսքի ազատության, հանդուրժողականության, մարդկանց անվտանգության, առողջապահության, շրջակա միջավայրի մաքրության չափանիշներով 128 երկրների մեջ Թուրքիան զբաղեցնում է 61-րդ տեղը՝ 68.68 միավորով:

Ցուցակը գլխավորում են Դանիան և Կանադան:

Աղբյուրը մանրամասնում է, որ ուսումնասիրությունների ժամանակ Թուրքիան բարձր ցուցանիշներ է գրանցել հատկապես սննդի և առողջապահության (98.38 միավոր) ու տեղեկատվական (94.90) չափանիշներում: Իսկ ամենացածր ցուցանիշները Թուրքիան գրանցել է մարդկանց ազատության ոլորտում (35.69 միավոր):

Կրթության ասպարեզում Թուրքիան հավաքել է 50.43 միավոր, աղտոտվածության առումով՝ 61.68 միավոր, իսկ մամուլի ազատությունում՝ 50.76 միավոր: Ի դեպ մամուլի, անազատության ցուցանիշով Թուրքիան վերոնշյալ 128 երկրների շարքում զբաղեցրել է 116-րդ տեղը:

Աղբյուրը` Ermenihaber.am