Լիոնում ավարտվել է խոհարարների 17-րդ օլիմպիական խաղերը՝ հեղինակավոր «Ոսկե Բոկյուզ» միջազգային մրցույթի եզրափակիչ փուլը:
Լավագույն խոհարարի տիտղոսի համար մրցել են տարբեր երկրներից 24 թեկնածուներ: Այս տարի մրցույթն առաջին անգամ անցկացվում է առանց իր ոգեշնչող վարպետի, ֆրանսիական գաստրոնոմիայի լեգենդ, Պոլ Բոկյուզի. նա մահացել է անցյալ տարվա հունվարին:
Քենեթ Թոֆտ-Հանսեն, շեֆ խոհարար, Դանիա. «Իմ տղան ծնվել է մեկ շաբաթ առաջ և դա փոխեց իմ կյանքը: Եվ հիմա, յոթ օր անց, տեղի ունեցավ այս ամենը … Հիանալի է: Իմ լավ օգնական Քրիստիանի հետ մենք մրցույթին պատրաստվել ենք 130 օր, և ես կարծում եմ, որ սա թիմային աշխատանք էր և ոչ թե մի երիտասարդի»:
Ուտեստի համը գլխավորն է: Սակայն, ինչպես մեծ սպորտում, ժյուրին գնահատում է նաև տեխնիկան և գեղագիտական կողմը: Երկրորդ տեղը զբաղեցրել է Շվեդիան:
https://www.youtube.com/watch?time_continue=2&v=RgazolFWe68
Շեֆ խոհարար Սեբաստյան Գիբրանի խոսքերով, նրա թիմին մի փոքր չի բավարարել հաղթանակի համար. «Եթե ցանկանում եք հաղթել և լինել ամենալավը, կարող է աննշան չբավարարել ցանկալի արդյունքին հասնելու համար: Իհարկե, մենք երջանիկ ենք երկրորդ տեղը զբաղեցնելու համար:
Գաստրոնոմիան ամենուր է, ոչ միայն Սկանդինավիայում»:
Մրցույթն ավարտվել է: 2020-ին «Ոսկե Բոկյուզ» շեֆ խոհարարների մրցույթի եվրոպական շրջագայության մայրաքաղաքը, առաջին անգամ, կդառնա Տալլինը:
