«Սրտի վալետ». նոր հումորային սիթքոմի մանրամասները. BACKSTAGE

Գեւորգ Մկրտչյանի եւ Քրիստինա Հովհաննիսյանի առաջին տանգոն

Գեևորգ Մկրտչյանը և Քրիստինա Հովհաննիսյանը պսակադրվեցին

Աներեւակայելի էմոցիաներ. Համասյանի համերգը Խուստուփ լեռան լանջին

Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել

MOCT 5. Անդերգրաունդ կյանքը Հայաստանում

«Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

Անդրեյ Մակարեւիչ. «Ինտերնետը շատ շուտ է հասել մարդկությանը»

Գուշակիր գույնը, ստացիր ծաղկեփունջ. մեկ օր՝ Մայիս Վարդանյանի հետ

Տիհանա Vibes Դավիթ Մանոյանի հետ. Իվետա Մուկուչյանի հետ տեսահոլովակի, Կասպերի եւ այլ թեմաների մասին

Տիհանա Vibes. ZatikArtFest-ի գույներն ու մարդիկ

Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Կենդանակերպի նշանների հոբբին և նախասիրությունները

16:03, 31 դեկտեմբերի

Խոյ

Խոյերի բազմաթիվ հետքրքրություններ ունեն, սակայն ժամանակի բացակայությունը երբեմն խոչընդոտ է հանդիսանում։ Նրանք ակտիվ հանգիստ, շրջագայություններ են նախընտրում։ Տիպիկ Խոյերի մեծամասնությունը վայելում են ֆիզիկական ակտիվությունը, որը թույլ է տալիս ցուցադրել իրենց շարժունակությունը։ Խոյը հաճույքով սեղանի խաղերն է վայելում, որոնք իրեն հնարավորություն են տալիս ցույց տալու մտքի գերազանցությունն ու մարտավարական իշխանությունը։

Ընդհանուր առմամբ Խոյերը հանգստի ժամերին զբաղվում են սպորտով, մեքենաների մրցավազքով, հեծանվաերթով, վազքով, ռիսկային սպորտաձևերով (օրինակ՝ նոր գագաթի նվաճում), թատերական գործունեությամբ։ Խոյերը սիրում են հորինել, պատրաստել ինչ-որ բան։ Սակայն շատ բարդ է գտնել մի խոյի, ով հանգստանում է ողջ օրվա ընթացքում։ Երմբեմն թվում է, թե իրենց էներգետիկ պաշարն ու կամքի ուժն անսպառ են։ Տիպիկ Խոյերը չեն հանգստանում՝ թե կանայք, և թե տղամարդիկ,  ինչպես մարդկանց մեծամասնությունը։ Խոյերը չափազանց զբաղված են։ Խանդավառությունը, որը չի լքում նրանց, նույնքան լավ է, ինչպես և հանգիստը։

Ցուլ

Ընդհանուր առմամբ Ցուլերը հանգստի ժամերին զբաղվում են թանկարժեք իրեր հավաքելով, երգելով կամ երաժշտություն լսելով, այգեգործությամբ, նկարչությամբ, համեմատաբար հանգիստ սպորտային խաղերով, և այն ամենով, ինչը թույլ է տալիս ֆիզիկական հաճույք վայելել, ինչպես, օրինակ, ձիավարությունը։ Սիրում են երաժշտությամբ, զվարճանքով և հումորով լի երեկոներ։ Ցուլը հանգստի ժամանակ ծույլ է և թուլացած։ Հաճախ հանգստանում է պարզապես հեռուստացույցի առջև կամ երաժշտության ներքո՝ ոտքերը սեղանին դրած։ 
Սովորաբար Ցուլերը խորը քուն են մտնում և արթնանում են շատ դանդաղ։ Երբ անցնում են գործի, ապա կարողանում են լավ աշխատել՝ չհոգնելով ողջ օրվա ընթացքում։ Տնարար են, համեղ պատրաստում են և սիրում են հյուրեր ընդունել։ Ցուլ-կանայք կատարյալ տնային տնտեսուհիներ են։

Ցուլը պաշտում է բնությունը, ձկնորսությունը, արշավները և սպորտը։ Սիրում է արկածների և աշխարհի մեծ նվաճողների մասին գրքեր կարդալ։ 

Երկվորյակներ

Գոյություն չունի հանգստը վայելող Երկվորյակի նման էակ։ Նույնիսկ երեխաների հետ ձնագնդի խաղալուց հետո, երբ նա նստում է բուխարու մոտ, նրա ուղեղն աշխատում է՝ ստեղծելով նոր գաղափարներ, մտածելով որևիցե խնդրի շուրջ։

Տիպիկ Երկվորյակը շփում է սիրում, այնպիսի շփում, ինչպիսին է հեռախոսազրույցը, նամակագրությունը։

Երկվորյակը թեթև սպորտաձևերի սիրահար է, օրինակ՝ սեղանի թենիս, բիլլիարդ, լող, նաև շրջագայություններ, երկարատև և կարճատև ուղևորություններ, թերթերի և ամսագրերի ընթերցում, խաչբառեր և վիկտորինաներ, հասարակական տարատեսակ ներկայացումներ, պարեր։ Իրենց հետաքրքրում են նորանոր բացահայտումներն ու ուսումնասիրությունները, օտար լեզուների տիրապետումն ու կիրառումը, սեփական ձեռքերով տարբեր իրերի պատրաստումը։

Երկվորյակները պաշտում են արկածներն ու փոփոխությունները, արտասահմանյան ճանապարհորդությունները։ Հեշտությամբ գտնում են նոր ընկերներ և նոր սիրավեպեր։ Սիրում են գրել պոեզիա։ Չեն սիրում անվերջ բողոքներ լսել, խիստ կարգապահությանը հետևել, անիմաստ ժամանակ վատնել, սպասել, անդառնալի հայտարարություններ անել, պարտվել, երկար ժամանակով կենտրոնացնել ուշադրությունը ինչ-որ մեկ բանի վրա։

Խեցգետին

Ծանր ֆիզիկական աշխատանք չսիրող և նստակյաց Խեցգետինները կարող են զբաղվել այնպիսի գործերով, որոնք թույլ են տալիս իրենց դուրս հանել բացասականը և դրսևորել մայրական բնազդը։ Կյանքից վերցված պատմությունները հետաքրքրություն են առաջացնում իրենց մոտ: Նրանք հետևում են արվեստի և հումանիտար գիտությունների զարգացմանը, հետաքրքրվում են էստրադային երաժշտության և կինոյի նորամուծություններով։ Ընդհանուր առմամբ, տիպիկ Խեցգետնի սիրելի զբաղմունքևերից են նավակներով զբսանքը, թիավարումը, լողը, ծովագնացությունը, առագաստանավային սպորտը, տարատեսակ ջրային խմբակային խաղերը, ձկնորսությունն ու այգեգործությունը, կենդանիների բազմացումն ու խնամքը, տարբեր իրերի  հավաքածուները, ընտանեկան մթնոլորտում հանգիստն անցկացնելը։

Իրենց ամբողջ ստեղծագործական պոտենցիալը Խեցգետինները նախընտրում են ծախսել տանը։ Տան ձևավորումը, ձեռագործությունը, երաժշտությունը՝ սրանք այն բնագավառներն են, որոնք հաճույք են պատճառում իրենց։ Նրանց ստեղծագործական աշխատանքը հաճախ պրոֆեսիաոնալ չէ և ուղղված է հյուրերին և ընկերներին զբաղեցնելու համար։

Չնայած տան հետ մեծ կապվածությանը, Խեցգետինները՝ հատկապես երիտասարդ տարիքում,  սիրում են ճանապարհորդել։ Շրջագայությանը Խեցգետինը նախօրոք է պատրաստվում և կարող է նախապես երազել, թե ում հետ և որտեղ կանցկացնի իր հանգիստը։ Եվ շատ անհանգստանում է, եթե ինչ-ինչ պատճառներով ուղևորությունը չի կայացել։ Խեցգետինը բազմազանություն և էկզոտիկ վայրեր է սիրում։ Շրջագայության հիմնական նպատակն է՝ երկրի աշխարհընկալումն ու հույզերի արտաքին արտահայտումը։ 
Զգացմունքային և սենտիմենտալ լինելով՝ Խեցգետինները պաշտում են ընտանեկան պատմությունը, հատկապես՝ տոհմածառը։ Սիրում են համեղ սնվել, գնումներ կատարել և հաճույքով ընդունում են սիրո ցանկացած դրսեւորում։ Չի ընդունում սեփական օջախի նկատմամբ ոչ մի քննադատություն, դժվարությամբ է տանում ճգնաժամային վիճակը, չի սիրում անուններ և նշանակալից օրերը մոռացող մարդկանց և նրանց, ովքեր հրաժարվում են փորձել իրենց պատրաստած ուտեստը։

Առյուծ

Առյուծների մեծամասնությունը սիրում է հետևել հստակեցված կանոնների, որոշակի ռեժիմի։ Քանի որ Առյուծները ձգտում են բոլոր հարցերում լինել ամենալավը, նրանց հարկավոր է խուսափել գերհոգնածությունից։ Սա կարող է Առյուծներին խոցելի դարձնել։ Ընդհանուր առմամբ, տիպիկ Առյուծը հանգստի ժամերին սիրում է զբաղվել հետևյալ սպորտաձևերով՝ ցանկացած սպորտաձև, որտեղ հմտությունը զուգորդվում է վայելչության հետ, օրինակ՝ թենիս, ջրասուզում, վազք, հեծանվավազք։ Նաև սիրում է ընտանեկան թիմային խաղեր և թատերական գործունեություն։

Վայելում են սնունդը. շատ են ուտում, երբմեն էլ  շատ ոգելից խմիչքներ օգտագործում։ Վերահսկողությանը չենթարկվող Առյուծները պետք է խուսափեն թմրամիջոցներ օգտագործելուց։

Առյուծը միշտ ուշադրության կերնտրոնում է․ չի սիրում միայնությունը, սիրում է հանգիստն անցկացնել շքեղ հանգստավայրերում, հյուրանոցներում։ Պաշտում է մոմի լույսի ներքո ընթրիքները, պարերը։

Սիրում է ստեղծագործել, օրինակ համեղ ուտեստներ պատրաստել համադամասերների համար, սիրում է բացիկներ և գեղեցիկ փաթեթավորված նվերներ ստանալ։ Չի սիրում, երբ սահմանափակում են իր ֆիզիկական հնարավորությունները, նաև նստակյաց աշխատանքը, սուտն ու խաբեությունը, մրցակցությունը։

Տանել չի կարողանում, երբ իրեն անտեսում են, ստիպում են «կուլիսներում» մնալ, երբ իրեն ծաղրում են, կամ խոսում այն բանի մասին , ինչից նա տեղյակ չէ։

Կույս

Կույսերի մեծամասնությունը սիրում է մտավոր և պրակտիկ աշխատանքը։ Այն ժամանակ, երբ շատերը սեփական առողջության համար անընդմեջ վարժություններ են անում, Կույսերը բնությունից սպորտային չեն։ Կույսը ամբողջականություն է․ չի բարձրաձայնում իր նախասիրությունները, նախընտրում է պարզությունը։ Եթե ցանկանում է հանգիստը վայելել որևիցե առողջարանում, ապա ընտրում է ոչ թե թանկ հանգստյան տներ, այլ խաղաղ և գողտրիկ անկյուններ։ Սիրում է շրջագայել։

Կույսին անհրաժեշտ են բազմաթիվ հետքրքիր և պրակտիկ աշխատանքներ, որպեսզի զբաղեցնի ինքն իրեն։ Ցանկացած տեսակի մոդելների կառուցումը կամ մանրակրկիտ  ասեղնագործությունը կարող է շատ հանգստացնող լինել նրա համար։ Հաճախ Կույսերը ամեն բան իրենց ձեռքով են անում և չեն դիմում կողմնակի օգնությանը։

Տաղանդավոր են պլաստիկ արվեստի ոլորտում և այն ամենի մեջ, ինչը կապված է էսթետիկայի և գեղեցկության հետ։ Սակայն հաճախ այնպես է ստացվում, որ իրենք իրենց մեջ ճնշում են ստեղծագործելու  ձգտումը՝ բավարարվելով օժանդակ գործողություններով։

Կույսերը պետք է զարգացնեն իրենց բնատուր տաղանդներն ու հակումները և հրաժարվեն «ստեղծագործ մարդկանց ծառայելուց», որոնց վրա նրանք հաճախ վատնում են իրենց տաղանդը։

Կշեռք

Տիպիկ Կշեռքները չեն սիրում եռանդուն, քրտնացնող վարժությունները։ Սա խախտում է իրենց զգացմունքների և զգացողությունների ներդաշնակությանը ձգտումը։ Կշեռքներից շատերը իսկապես հետաքրքրված են արվեստով՝ նախընտրելով երաժշտությունը։ Նրանց պարզապես անհրաժեշտ են զվարճանքն ու հաճույքը։ Կշեռքների հետ լավ է ճանապարհորդել, երեկույթների գնալ և թատրոն հաճախել։

Կշեռքները հիանալի ճաշակ ունեն։ Կշեռք-կանայք սիրում են գեղեցիկ հագնվել և կարող են ողջ օրն անցկացնել խանութներում։ Կշեռք-կանայք ստեղծում են հագուստի լավագույն մոդելները։ Սիրում են շքեղ ննջասենյակները, որտեղ կարող են երանելի պարապությունը վայելել։ Հանգիստը վայելելիս Կշեռքները չեն դադարում ապագայի պլանները նախագծել։

Կշեռքները հաճելի շրջապատ են սիրում, ինտելեկտուալ վեճեր, մանրակրկիտ աշխատանք։ Սիրում են բացիկներ, հաղորդագրություններ և ծաղիկներ ստանալ։ պաշտում են, երբ իրենց գովում են և կատարում իրենց հրահանգները։

Չեն սիրում բարձրաձայն վեճերը, խճճված իրավիճակները: Ատում են, երբ իրենց ճնշում են՝ կարևոր որոշումներ կայացնելիս, երբ ասում են, թե ինչ է հարկավոր անել, որպեսզի իրավիճակը փոխվի։

Չեն ընդունում քննադատությունը, հատկապես երբ դա վերաբերվում է իրենց ընտրյալին կամ նախագծին։ Կշեռքները սիրում են ամեն գեղեցիկը. նրանք էսթետներ են։ Իրենց մոտ շատ լավ զարգացած է գեղարվեստական ճաշակը, և անտարբեր չեն արվեստի ոչ մի տեսակի նկատմամբ:

Նրանք լավ ու թանկարժեք գինիների գիտակներ են։ 

Հանգստավայրում Կշեռքները նախընտրում են երաժշտություն լսել, ուսումնասիրել երաժշտության պատմությունը, որևիցե երաժշտական գոքծիք նվագել խմբակում, օրինակ՝ լարային քառյակում կամ ջազային նվագախմբում, լսել պոեզիա, պարել, գեղեցիկ հագնվել, ընթրել ռոմանտիկ վայրերում։ 

Կարիճ

Կարիճների հետաքրքրասիրությունն այն է, որ պետք է իմանան, թե ինչպես են աշխատում տարբեր սարքերը՝ քանդել որևիցե սարք և կրկին հավաքել այն ու հասկանալ գաղտնիքը։

Հանգստի ժամանակ Կարիճները նախընտրում են ցանկացած սպորտաձև, որը խելացի մարտավարություն է պահանջում՝ վազք, թռիչք: Հետաքրքրվում են հնագիտությամբ, մարդաբանությամբ, հոգեբանությամբ, իրենց գերում են դետեկտիվները, գանձերի որոնումները, քարանձավների հետազոտությունները, կենդանիների կամ բույսերի բազմացումը․․․

Կարիճը ամենաակտիվ նշաններից մեկն է, սակայն մեծ դժվարությամբ է լիցքաթափվում։ Որոշ Կարիճներ նույնիսկ խուսափում են այն իրավիճակներից, որտեղ իրենք իսկապես կարող են հանգստանալ։ Իրենց լավագույն քաղաքականությունը՝ ունենալ այլընտրանքային հետաքրքրություն կամ հոբբի, որին կարող են տրվել ամբողջությամբ, այդ իսկ կերպով հանգստանալով իրենց հիմնական աշխատանքից։ Սա հատկապես վերաբերվում է Կարիճ-կանանց, որոնք տնային տնտեսուհիներ և մայրեր են, քանի որ տնային գործերը գրեթե անվերջ են։ Սակայն եթե Կարիճը որոշել է հանգստանալ և ընդմիջում անել գործերի ընթացքում, ապա հավանաբար, կընտրի ակտիվ հանգիստը՝ սպորտը (ֆուտբոլ, հոքեյ, բեյսբոլ)։ Նրանք նաև սիրում են հանգիստը վայելել ջրի մոտ։

Կարիճների մեկ այլ տեսակը դժվարությամբ է նոր ծանոթներ ձեռք բերում և նախընտրում են արձակուրդը վայելել ավելի հանգիստ վայրերում, որտեղ կարելի է մտածել և կարդալ։


Աղեղնավոր

Աղեղնավորները բազմազան տաղանդներով են օժտված և սիրում են ընդդիմանալ իշխանությանը, և իրենց հետաքրքրությունները կարող են լինել արմատական։ Սպորտը համապատասխանում է Աղեղնավորների բնածին ակտիվությանը, և նրանք օգտագործում են այն գործնական կոնտակտներ և ծանոթություն հաստատելու համար, ինչպես նաև հաճույք են ստանում մրցակցությունից։ Օտար երկրներում շրջագայությունը Աղեղնավորների գլխավոր հետաքրքրություններից է։

Որպես կանոն Աղեղնավորները նախընտրում են մոլախաղեր, ավտոարշավներ, պարաշյուտով թռիչքներ և ռիսկ պահանջող բոլոր սպորտաձևերը։ Նաև գիտահետազոտական աշխատանքներ, օտար լեզուների ուսուցում, ընտանի կենդանիների բազմացում, կրոնի ուսումնասիրություն, հավատքի համակարգերի ուսումնասիրում։ Երբեմն Աղեղնավորները, սուզվելով վերացական մտքերի աշխարհ և տրվելով երազանքներին, ցանկանում են ստեղծագործել և գլուխգործոցներ ստեղծել։ Սակայն, լինելով տաղանդավոր մարդկանց ազդեցության տակ, նրանք երբեմն չեն կարող խուսափել կրկնօրինակությունից, և իրենց ստեղծագործույթունները սովորաբար ինքնուրույնության բացակայության շնչով են լցված։ Սակայն եթե Աղեղնավորները սովորեն հաղթահարել սեփական ինքնահոսությունը, ապա կարող են հասնել լավ արդյունքների փիլիսոփայության, պոեզիայի, երաժշտության և բալետի ոլորտներում։ 

Այծեղջյուր

Այծեղջյուրների մեծ մասը հետաքրքրված չէ խմբակային սպորտով։ Նրանք քրտնաջան կաշխատեն իրենց հոբբիի շուրջ և կցանկանան հաջողությունների հասնել իրենց ընտրած բնագավառում։ Ինչ էլ որ ընտրեն, դա պետք է հարգանքի արժանանա, որպեսզի Այծեղջյուրներով հիանան և հպարտանան։ 

Այծեղջյուրներն այնքան հստակ են գիտակցում իրենց պարտականություններն ու պատասխանատվությունները, որ շատ դժվար է վայելել ինչ-որ բան հանուն հենց այդ զբաղմունքի։ Երբ նրանք տատիկ-պապիկներ են դառնում, փորձում են թույլ տալ իրենց մի փոքր թուլանալ և վայելել թոռների հետ անցկացրած ժամանակը։

Հանգստի ժամերին Այծեղջյուրները նախընտրում են երաժշտություն լսել կամ նվագել, սիրում են գոլֆը, շախմատը, մարտավարական խաղերը, թանգարանների, պատկերասրահների և  թատրոնների այցելությունը, այգեգործությունը, ընտանեկան օջախի բարելավվումը։ 

Այծեղջյուրը սիրում է զբաղվել ինչ-որ բանով, նույնիսկ երբ հանգստանում է։ Նույնիսկ արձակուրդի ժամանակ այս անխոնջ աշխատավորը գործ է ունենում։ Հանգիստը սիրում է անցկացնել բարձրակարգ հյուրանոցներում և առողջարաններում, որտեղ կարող է գնալ ամեն տարի, իսկ եթե ինչ-ինչ պատճառներով այդ հնարավորությունը չունենա, ապա կնախընտրի հանգիստը վայելել տանը, բուխարիի մոտ, ընտանեկան և ընկերական մթնոլորտում։ Երբեմն իր լրջության և ուշադրության շնորհիվ Այծեղջյուրը սկսում է զբաղվել աստղաբաշխությամբ, խորհրդապաշտությամբ, հետաքրքրվում է հնագույն պատմությունով և տարատեսակ հավաքածուներով։ 

Ջրհոս

Տիպիկ Ջրհոսը կարող է ունենալ հետևյալ հետաքրքրությունները՝ ժամանակակից, ավանգարդ արվեստ և թատրոն, երաժշտություն, ռիթմիկա, պար, աճպարարություն, սրամիտ կոմեդիա, ինքնաթիռով, պառաշյուտով թռիչքներ, անձնական օրագրի կամ հուշերի գրություն։ Հաճախ Ջրհոսները զբաղված են որևիցե հոբբիով, որը բավականին օգտակար է, օրինակ՝ առաջադեմ տեսություններ

Նրանք յուրաքանչյուր մարդու ցանկանում են տալ արտոնություններ և շքեղություն։ Խորապես կարեկցում են աղքատներին, սակայն ամենից շատ իրենց անհագստացնում է անգրագիտությունը։

Ջրհոսներն իրենց առաջնային խնդիրն են համարում՝ բարձրացնել աշխարհի հոգևոր մակարդակը, իսկ հետո արդեն զբաղվել դրա ֆիզիկական փրկության խնդրով։ Ջրհոսի համար ավելի կարևոր է ստիպել մարդուն մտածել, քան սննունդով ապահովել։ Ջրհոսները հավատում են, որ իրական երջանկությունը կգա միայն այն ժամանակ, երբ բոլոր մարդիկ կսկսեն զգալ հոգևոր պատասխանատվությունը։

Ձկներ

Կյանքը Ձկների համար աճ է։ Նրանք ստեղծագործական արտահայտման, միևնույն ժամանակ եւ միայնության, և շրջապատի կարիք ունեն։ Առավել տիպիկ Ձկները սիրում են գեղանկարչական դասընթացները և այն ամենը, ինչը խորհրդավորության, ֆանտաստիկայի և երևակայության տարրով է պարուրված։ 
Ձկների նշանի տակ ծնված մարդիկ սիրում են կինոն, թատրոնը, շրջագայությունները, մնջախաղը, վհուկներին, հրեշներին, գնչուներին և առասպաելական արարածներին։ Խմբակային խաղերը հետաքրքիր չեն Ձկներին, նրանց ավելի են սազում ոչ կոպիտ ջրային սպորտաձևեր, ոչ մրցակցային դահուկային և պարաշյուտային սպորտը։ Վտանգավոր սպորտաձևերը, օրինակ՝ քարթինգը, նույնպես կարող են գերել Ձկներին։

Բնությունից երկակի լինելով՝ Ձկները զարմանալի շնորհ ունեն՝ համատեղել մաքուր ստեղծագործական միտքն ու պրակտիկ, գործնական ձգտումները։ Գործի մեջ Ձկները ցուցադրում են իրենց բոլոր ունակությունները: Ձկների ստեղծագործական ունակությունները լիարժեք արտահայտվում են, երբ նրանք կողմնակի ֆինասական աջակցություն ունեն։ Երբմեն իրենց հոբբին մասնագիտություն է դառնում։



Աղբյուրը՝  Elle


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով

TV SHOWS PHOTO VIDEO


@NEWSam_STYLE

  • Արխիվ
Որոնել