Միհրան Հակոբյան. Այսօր տեսնում ենք «ընտանիքապետություն»
«Մենք ունեցել ենք ավելի քան մեկուկես տարվա կորսված ժամանակ, հնարավորություններ։ Ժամանակ ենք կորցրել թե ներքին և արտաքին քաղաքականության, թե տնտեսական բարեփոխումների բնագավառներում»,-«Ոսկանապատ» վերլուծական կենտրոնի կազմակերպած «Հայաստանը 2020-ի նախաշեմին» համաժողովին ասաց ԱԺ նախկին պատգամավոր, քաղաքական գործիչ Միհրան Հակոբյանը։
Նրա խոսքով, 2019 թվականի վերջում արձանագրում են, որ Նիկոլ Փաշինյանի ղեկավորությամբ իշխանությունները ոչ մի բանի ունակ չեն, ակնհայտ է, որ Հայաստանում ոչ մի բան տեղի չի ունենում՝ ոչ տնտեսական բարեփոխումներ, ոչ սոցիալական բարեփոխումների գործընթացներ:
«2018 թվականի ապրիլ-մայիսի պետական հեղաշրջումից հետո այն առերևույթ ոգևորությունը, որ կար նույնիսկ հայկական սփյուռքում, մեկուկես տարի անց տեսնում ենք, որ մեծ փուչիկ էր: Չկա հայրենադարձություն, չի խոսվում նույնիսկ դրա մասին, հայրենադարձության հետ կապված քաղաքականություն չի տարվում: Արտագաղթը նույն տեմպերով շարունակվում է: Իրականում հայրենադարձությունը ու արտագաղթը կապված չեն ոչ իշխանության որակի, ոչ տարվող քաղաքականության, ոչ էլ անձերի հետ: Պատճառները շատ ավելի համակարգային ու խորքային են»,- ասաց Մ. Հակոբյանը:
Նա նշեց, որ կարող են արձանագրել՝ Նիկոլ Փաշինյանը, նրա համախոհ, հենարան քաղաքական շրջանակները, արտասահմանյան ֆինանսավորմամբ հասարակական կազմակերպությունները, որոնք տարիներ շարունակ իրենց պայքարի գաղափարախոսական հիմնական հենքը դարձրել էին մարդու իրավունքները և ժողովրդավարությունը, այդ միֆը պայթել է:
«Ստել են, խաբել են: Որովհետև Հայաստանում չի հարգվում մարդու իրավունքները, ոչ էլ առավել ևս այսօրվա իշխանության մեջ եղած մարդիկ հարգում են ժողովրդավարության ամենատարրական սկզբունքները»,- ասաց քաղաքական գործիչը:
Նա նշեց, որ կա երկակի ստանդարտներով արդարադատություն, իշխանության կողմից կա ամբողջ քաղաքական և հանրային կյանքը սեփականաշնորհելու, յուրացնելու կարևորագույն մղում, որպեսզի կառուցվի այն «ընտանիքապետությունը», որը այսօր տեսնում են:
Մ.Հակոբյանի կարծիքով, հաջորդ տարի վերջնականապես բյուրեղանալու է քաղաքական դաշտը, 2019 թվականին, այն ինչ արձանագրում են, դրա ամենաբյուրեղացված տարբերակով ականատեսն են լինելու:
Հարակից հրապարակումներ`
- Արմեն Մինասյան. Մեզ պետք է մի փոքր համբերել
- Կարեն Բեքարյան. Չգիտեմ՝ զանգն էլ ինչպես խփել, որ մի փոքր սթափվելու կարիք կա
- Կիրո Մանոյան. Ռազմավարություն չունենալը վտանգավոր է
- Հրանտ Մելիք-Շահնազարյան. Մենք կանգնած ենք պատերազմի նախաշեմին
- Դավիթ Շահնազարյան. Չնայած այս իշխանություների ջանքերին՝ Արցախը երբեք չի հայտնվելու Ադրբեջանի կազմում
Լրահոս
Տեսանյութեր
Ամեն սարի գլխին, փեշին, անտառներում հայկական հետքեր են. Քաշաթաղի հուշարձանները՝ մեկ գրքում