«Շաբաթօրյակ». Գաղտնի հարսանիք, մեկուսացած հայտնի զույգեր եւ տնային մարզումներ

Արդեն հարմարվել ենք արտակարգ դրությանն ու անգամ սկսել նկատել տանը մնալու դրական կողմերը: Մարդիկ ավելի հնարամիտ են դարձել ու հոգատար, շրջակա միջավայրն էլ համեմատաբար մաքրվել է:



«Շաբաթօրյակն» այս անգամ պատմելու է, թե ինչպես տնային պայմաններում պահպանել մարզավիճակը, որքան կարեւոր է շնորհակալություն հայտնել բուժաշխատողներին, գումար փոխանցել Covid-19-ի դեմ պայքարի նպատակով: Ինչպես նաեւ հարսանիք ու տարեդարձեր են տեղի ունեցել:


Ամուսնություն

Կորոնավիրուսը պատճառ չէ հարսանիքը հետաձգելու համար: Հենց այդպես է մտածել Միշել Ուիլյամսն ու գաղտնի ամուսնացել: Դեռ 2019-ի դեկտեմբերին հայտնի էր դարձել, որ Ուիլյամսը հղի է ու պատրաստվում է ամուսնանալ: Նրա ընտրյալը ռեժիսոր Թոմաս Քայլն է: Ծանոթացել են «Ֆոսսի/Վերդոն» մինի սերիալի նկարահանումների ժամանակ: Զույգին մատնել են նոր լուսանկարներում երեւացող մատանիները:



17

«Երբեք չեմ հրաժարվել սիրուց: Հույս ունեմ՝ մեր հարաբերությունները հավերժ կլինեն»,- ասել է դերասանուհին:

Ուիլյամսը 2-րդ երեխային է սպասում: Նա 2008 թվականին մահացած Հիթ Լեջերից դուստր ունի:

Բեքհեմի շնորհավորանքը

Մարտի 22-ին Մեծ Բրիտանիայում նշվում է Մայրերի օրը: Դեւիդ Բեքհեմը ոչ միայն կնոջը, մայրիկին ու զոքանչին է շնորհավորել, այլ իսկական ֆլեշմոբ է սկսել:

View this post on Instagram

A post shared by David Beckham (@davidbeckham) on Mar 22, 2020 at 5:16am PDT

Բեքհեմը շնորհավորական տեքստում նշել է, որ կանայք այս դժվարին օրերին պաշտպանում են իրենց ընտանիքները, ապա Ինստագրամում առաջարկել է բոլոր ցանկացողներին կիսվել մայրիկների մասին իրենց պատմություններով: Դրանց մեծ մասը բժիշկների ու բուժքույրերի մասին են եղել:


«Մայրս բուժքույր է ու հիմա հիվանդանոցում կյանքեր է փրկում: Սիրում եմ նրան», «Կինս հիվանդանոցում է, բժիշկ է ու հղիության 5-րդ ամսում է», «Ես բժիշկ եմ, իսկ մայրս՝ բուժքույր, օգնում ենք կորոնավիրուսով հիվանդներին»՝ այսպիսի գրառումները բազմաթիվ են:


Միդլթոնի արխիվը

Մայրերի տոնն անգլիացիները մեծ շուքով չեն նշել. կորոնավիրուսի պատճառով ամեն ինչ հետաձգվել է: Սակայն դա պատճառ չի հանդիսացել, որ Քեմբրիջի դքսուհին լուսանկարներ չհրապարակի:

17

Նա արխիվային ու շատ անձնական լուսանկարներ է ցուցադրել: Դրանցում Քեյթը զվարճանում է դստեր՝ Շառլոթի հետ, հարգանքի տուրք մատուցում Ուիլյամի եւ Հարրիի մայրիկին՝ արքայադուստր Դիանային, սեր խոստովանում իր մայրիկին: Իսկ վերջին լուսանկարում փոքրիկ Ջորջի պատրաստած բացիկն է մայրիկի համար:

«Այս ծանր պահերին մտածում ենք ձեր մասին»,- գրել է դքսուհին:

Փարքերի 55-ամյակը

Այս շաբաթ միանգամից 2 հոբելյար ունեինք: Նրանցից մեկը Սառա Ջեսիկա Փարքերն է: Դերասանուհին 55 տարեկան դարձավ: «Սեքսը մեծ քաղաքում» սերիալի աստղը բազմիցս է ոգեշնչել կանանց ու սովորեցրել չվախենալ գրավիչ լինել:

«Սովորեք սիրել, գնահատել ու հարգել ինքներդ ձեզ, ու միայն այդ ժամանակ կյանքը կդառնա ձեր երազածից էլ լավը: Երբեք քչին մի համաձայնեք, իմացեք ձեր գինն ու պահպանեք հույսը, որ ձեզ ամենալավն է սպասվում»,- խորհուրդ է տալիս նրա հերոսուհի Քերի Բրեդշոուն:

17

Իրական կյանքում էլ Նյու Յորքի գեղեցկուհին վառ է, յուրահատուկ ու համարձակ: Տարիքը նրան չի խանգարում նոր խենթություններ անել ու ուժեղ կանանց մարմնավորել:


35-ամյա Նայթլին

Փարքերից ուղիղ 20 տարով է փոքր Քիրա Նայթլին: Նա մարտի 26-ին մտերիմների նեղ շրջանակում է նշել տարեդարձը:

Դերասանուհին իր կարիերայի ընթացքում բազմաթիվ ֆիլմերում է նկարահանվել, հիմնականում մարմնավորել հարուստ ներաշխարհ, մեծ ձգտումներ ունեցող եւ նպատակասլաց կանանց: Երկու անգամ առաջադրվել է Օսկարի՝ «Հպարտություն եւ նախապաշարմունք» եւ «Իմիտացիայի խաղ» ֆիլմերի համար:   

17

«Իմ ճանապարհը լի է եղել «նա խաղալ չի կարողանում»-ից մինչեւ Օսկարի առաջադրում, եւ դա հիանալի է»,- անկեղծացել է Նայթլին:

«Կարիբյան ծովի ծովահենները. Մեռյալի սնդուկը» ֆիլմում համաձայնել է նկարահանվել միայն այն բանից հետո, երբ նրան թույլատրել են բոլոր հնարքներն ինքնուրույն կատարել, այդ թվում եւ սուսերով կռվել:

Նոր վարակակիրներ

Կորոնավիրուսով վարակված հայտնիների թիվն աճել է: Օլգա Կուրիլենկոն, Մոնակոյի արքայազն Ալբերտ Երկրորդը, Իդրիս Էլբան, Թոմ Հենքսն ու կինը՝ Ռիտա Ուիլսոնը, հուրախություն բոլորիս, արդեն ապաքինվել են:

Այս շաբաթ էլ դրական է եղել արքայազն Չարլզի, Պլասիդո Դոմինգոյի եւ Հարվի Վայնշտեյնի կորոնավիրուսի թեստը: 68-ամյա պրոդյուսերը, որը 23 տարվա ազատազրկման է դատապարտվել, բանտ արդեն իսկ վարակված է գնացել: Նրան մեկուսացրել են:

17

79-ամյա Դոմինգոն ինքն է հայտնել հիվանդության մասին: «Իմ բարոյական պարտքն եմ համարում անձամբ ասել ձեզ այդ մասին: Կորոնավիրուսի իմ թեստը դրական է եղել: Ողջ ընտանիքս մեկուսացման մեջ կմնա այնքան, որքան բժիշկները ճիշտ կհամարեն: Դեռ մեզ լավ ենք զգում, ես հազ ունեմ ու ջերմություն»,- գրել է տենորը:
Նա կոչ է արել բոլորին լուրջ վերաբերվել անվտանգության կանոններին՝ նստել տանը, դրսում լինելու դեպքում մարդկանցից 2մ տարածություն պահպանել, հաճախ ձեռքերը լվանալ:


Covid-19-ին հաղթած Կուրիլենկոն

Կորոնավիրուսով վարակված Օլգա Կուրիլենկոն շնորհավորել է իր հետեւորդներին Մայրերի օրվա առթիվ ու որդու հետ լուսանկար հրապարակել:

View this post on Instagram

A post shared by Olga Kurylenko (@olgakurylenkoofficial) on Mar 22, 2020 at 2:13pm PDT

Նա գրել է, որ ապաքինվել է, չնայած՝ լուսանկարում դիմակով է: Դերասանուհին պատմել է նաեւ, թե հիվանդությունն ինչպես է ընթացել. «Առաջին շաբաթվա ընթացքում շատ վատ էի, հիմնականում բարձր ջերմությամբ պառկած էի ու քնում էի: 12 ժամ գիշերն էի քնում, 3-4 ժամ էլ՝ ցերեկը: Դժվար էր անկողնուց վեր կենալ: Անտանելի հոգնածություն ունեի ու սարսափելի գլխացավ»: Ջերմությունը սկսել է իջնել 2-րդ շաբաթվա ընթացքում: Այսօր արդեն հիվանդության նշաններ գրեթե չունի, միայն առավոտյան է հազում:

Արմանիի շնորհակալությունը

Դիզայներ Ջորջիո Արմանին գնել է իտալական 60 թերթերի սյունակները, որպեսզի շնորհակալություն հայտնի առողջապահության ոլորտի աշխատողներին՝ նրանց ծանր աշխատանքի համար: Այդ պարբերականների թվում են Corriere della Sera, La Repubblica, La Stampa, Il Giornale и Il Sole 24 Ore թերթերը, մարզական Tutto Sport-ն ու Corriere dello Sport-ը եւ ուրիշներ:

17

«Անչափ հուզիչ է տեսնել, թե որքան խորությամբ եք զբաղված ձեր աշխատանքով՝ չնայած դժվարություններին, ու թե որքան ջանքեր եք գործադրում. ամբողջ աշխարհը գիտի դրա մասին: Կարծում եմ՝ ապրումներս կապված են նրա հետ, որ ինքս էլ եմ ցանկացել բժիշկ դառնալ, երբ դեռ երիտասարդ էի ու իմ ուղին էի փնտրում: Giorgio Armani-ի ողջ թիմն ուզում է աջակցել բոլորիդ: Անձամբ եմ ձեզ իմ աջակցությունը հայտնում»,- գրել է նա:

Դիզայներն ավելի վաղ 1,25 մլն եվրո էր տրամադրել իտալական հիվանդանոցներին:

Տնային մարզումներ

Քանի դեռ կորոնավիրուսի պատճառով մարդիկ փակված են տներում, Ադիդասը սկսել է #hometeam նախագիծը, որը նախատեսված է տնային մարզումների համար: Մասնագետները կազմել են տարատեսակ մարզումների ցանկ: Հավելվածն անվճար կարելի է ներբեռնել AppStore-ում ու Google Play-ում:

17

Բոլոր վարժությունները, որոնք խորհուրդ են տալիս մարզիչները, նախատեսված են ֆիզիկական ցանկացած պատրաստվածության համար, կարող են կատարվել ինչպես միայնակ, այնպես էլ ընտանիքի անդամների հետ, նաեւ ցանկացած տեղ ու ժամի: Հատուկ սարքավորումների կարիք չկա:

Առատաձեռն Ռիհաննան

Ամբողջ աշխարհում շարունակվում է պայքարը կորոնավիրուսի դեմ: Հայտնի մարդիկ էլ փորձում են իրենց ներդրումն ունենալ դրանում: Ռայան Ռեյնոլդսից ու Բլեյք Լավլիից հետո, որոնք 1 մլն դոլար էին տրամադրել այդ նպատակով, նրանց է միացել նաեւ Ռիհաննան:

Նրա հիմնադրամը 5 մլն է հատկացրել բժշկության զարգացմանն ու այն մարդկանց աջակցությանը, որոնք հիվանդներին գրանցելու առաջնագծում են: Նա գումարը տրամադրել է Direct Relief, Feeding America, Partners Health ընկերություններին, Առողջապահության համաշխարհային կազմակերպությանն ու Փրկության միջազգային կոմիտեին:

Գումար կստանան նաեւ այն բանկերը, որոնք սպասարկում են ռիսկային գոտում գտնվողներին ու ԱՄՆ-ի տարեց բնակչությանը: Հաիթիի ու Մալավիի պես երկրներում թեստերի արագ անցկացման նպատակով ու առաջին անհրաժեշտության բժշկական սարքավորումների ձեռքբերման համար էլ գումար կհատկացվի:

Ջենների եւ Ջոլիի օգնությունը

Կորոնավիրուսի դեմ պայքարում իրենց ներդրումն են ունեցել նաեւ Անջելինա Ջոլին եւ Քայլի Ջենները: Ջենների բարեգործության մասին պատմել է նրա բժիշկը: «Իմ հաճախորդներից մեկը 1 մլն է տրամադրել մեր հիվանդանոցին՝ պաշտպանիչ դիմակներ ու այլ սարքավորումներ գնելու համար: Դրանք մենք փոխանցելու ենք առաջնագծում աշխատողներին»,- ասել է Թաիս Ալիաբադին:

17

Ջոլին էլ հոգ է տարել երեխաների մասին, որոնք դպրոցների փակման պատճառով զրկվել են անվճար ճաշերից: Նա 1 մլն է հատկացրել No Kid Hungry բարեգործական հիմնադրամին:

«Հիմա մոտ 1 մլրդ երեխա դպրոց չի հաճախում: Նրանցից շատերը սնվում էին ուսումնական հաստատություններում: ԱՄՆ-ում 22 մլն երեխա այդ սննդի կարիքն ունի: No Kid Hungry-ին փորձում է օգնել նրանց »,- նշված է Ջոլիի հայտարարության մեջ:


Փոխված աշխարհը

Ֆրանսիայում, ինչպես եւ շատ երկրներում արտակարգ դրություն է, ու մարդիկ տներից դուրս չեն գալիս: Այդ արգելքը դրական ազդեցություն է թողնում քաղաքում օդի աղտոտվածության վրա: Առաջին անգամ 40 տարվա մեջ այն մաքրվել է: Մեկուսացման առաջին շաբաթվա ընթացքում երթեւեկությունը դադարեցվել էր, բայց օդը դեռ կեղտոտ է եղել, իսկ հետո սկսել է կտրուկ բարելավվել:

17

Կենդանիների համար էլ հեշտ չէ հարմարվել աշխարհում տեղի ունեցող փոփոխություններին: Ճապոնական Նառա այգու եղջերուները ստիպված են եղել ինքնուրույն ուտելիք փնտրել. նախկինում նրանց զբոսաշրջիկներն էին կերակրում:

Թաիլանդում էլ ծանր կացության մեջ են հայտնվել կապիկները: Նրանք եւս քաղցից դուրս են եկել փողոցներ:



Զույգերը մեկուսացման ժամանակ

41-ամյա Ջեյմս Ֆրանկոն եւ 26-ամյա հեռուստատեսային հաղորդումների խմբագիր Իզաբել Պակզադը միասին են արդեն 3 տարի: Նրանք ծանոթացել են 2017-ին՝ նկարահանումների հրապարակում, ու այդ պահից անբաժան են: Օրերս նրանք Լոս Անջելեսում գնացել են գնումների:


Հունվարին Ջիջի Հադիդն ու Զեյն Մալիքը վերսկսել էին իրենց հարաբերությունները: Մեկուսացման օրերին մոդելը որոշել է մաքրել հեռախոսն ու ռոմանտիկ լուսանկար է գտել: Նա առաջին անգամն է սիրելիի հետ վերամիավորումից հետո լուսանկար հրապարակել:

17

Նիկոլ Շերզինգերն ու Թոմ Էվանսն էլ այս օրերին միասին մարզադահլիճ են գնում ու իրենց առողջությանը հետեւում: Նրանք Լոնդոնում միասին գնումներ են կատարել: Զույգը չի թաքցրել զգացմունքներն ու հենց փողոցում համբուրվել է:

Դուա Լիպան ու նրա սիրելի Անվար Հադիդը փորձում են կարանտինի ընթացքում չձանձրանալ, համատեղ սելֆիներ են հրապարակում, որոնցում դիմակով են: Նրանք նախկինում էլ ամեն ինչ միասին էին անում՝ ճանապարհորդում, երեկույթների գնում, զբոսնում:

17

Բեն Աֆլեքն էլ սիրավեպ է սկսել Անա դե Արմասի հետ: Նկարահանումների դադարի ընթացքում նրանք միասին ավելի շատ ժամանակ են անցկացնում, զբոսնում ու իրար ճանաչում:



Պատրաստեց՝ Հասմիկ Բաբայանը

BRAVO.am