Նավալնիին կալանավորելու որոշում է կայացվել տարօրինակ պայմաններում. նիստը ոստիկանական բաժանմունքում էր

Խիմկինսկի դատարանը ռուս ընդդիմադիր գործիչ, բլոգեր Ալեքսեյ նավալնիին 30 օրով կալանավորելու որոշում է կայացրել: Դատարանը արտագնա նիստ է արել՝ ոստիկանական բաժանմունքում, որտեղ հայտնվեց կիրակի երեկոյան՝ Գերմանիայից վերադառնալուն պես։ Ընդ որում, Նավալնիի փաստաբաններն այդ նիստի մասին տեղեկացվել են մեկնարկից մի քանի րոպե առաջ:

Խիմկինսկի քաղաքացիական դատարանից սկզբում պարզաբանել են, որ նման որոշում է կայացվել՝ տեղում լրագրողների ներկայությունն ապահովելու համար: Ավելի ուշ, ՌԴ Ներքին գործերի նախարարությունից հայտնել են, որ արտագնա նիստ է եղել, քանի որ Նավալնին կորոնավիրուսի թեստավորում չի անցել: Ընդդիմադիր գործիչը մեղադրվում է խարդախության մեջ: Դեկտեմբերի վերջին Ռուսաստանի Քննչական կոմիտեն հայտարարել էր, որ Նավալնիին մեղադրանք է առաջադրվել խարդախության համար: Հետաքննության համաձայն՝ քաղաքական գործիչն անձնական կարիքների համար է ծախսել այն գումարները, որոնք դոնորներն ուղարկում էին իր հետ կապված ֆոնդերին: Նավալնին սակայն հերքում է այս մեղադրանքը:

Ավելի վաղ, ՌԴ պատիժների իրականացման դաշնային ծառայությունից էլ հայտնել էին, որ Նավալնին խախտել է «Իվ Ռոշերի» գործով պայմանական պատժի կրման կանոնները՝ չգրանցվելով ռուսական տեսչությունում գերմանական կլինիկայից դուրս գրվելուց հետո: Ծառայությունը պահանջ է ներկայացրել վերացնել նրա նկատմամբ պայմանական ազատազրկման որոշումը՝ այն փոխարինելով 3,5 տարվա դատապարտման քրեակատարողական հիմնարկում: Նավալնիի նկատմամբ ՌԴ տարածքում հետախուզում էր հայտարարվել: Այս գործով էլ խափանման միջոցի հստակեցման համար դատական նիստի օր է նշանակվել հունվարի 29-ը:

Կալանավորումից հետո, Նավալնիի փաստաբաններից Վադիմ Կոբզեվը Интерфакс-ին հայտնել է որ անշուշտ, իրենք բողոքարկելու են դատարանի՝ հապշտապ կայացրած որոշումը:

Իրականում, դատարանի՝ նման շտապողականությամբ եւ անմիջապես ոստիկանական բաժանմունքի սենյակներից մեկում կայացած նիստն անակնկալ է եղել և՛ Նավալնիի, և՛ նրա փաստաբանների համար:

Փաստաբաններից Օլգա Միխայլովան էլ հայտնել է, որ 12:29-ին ծանուցվել է այն մասին, որ 12:30-ին կայանալու է դատական նիստ անմիջապես բաժանմունքում: Նրա խոսքով, ինքը երբևէ նման նախադեպի մասին չի իմացել ու առհասարակ չեն պատկերացնում՝ ինչպես է նման նիստ հնարավոր կամ նման որոշումն ինչքանով է օրինաչափ:

Նավալնին ինքն էլ է փաստաբանների եւ օգնականի տեսանյութերում խոսել բաժանմունքում տեղի ունեցածի մասին. 

«Ես չեմ հասկանում ինչ է կատարվում: Ինձ մեկ րոպե առաջ դուրս են բերել խցից՝ իբր փաստաբանների հետ հանդիպելու  համար: Ես եկել եմ այստեղ, պարզվում է ՝ այս սենյակում Խիմկինսկի դատարանի նիստ է կայանում, ինչ-որ մարդիկ են ինձ նկարահանում, ինչ-որ մարդիկ նսած են աթոռներին, սա անհնարին բան է: Ես տասնյակ օրինազանցություններ եմ տեսել, բայց այն, ինչ տեղի է ունենում այստեղ՝ անօրինականության վերին աստիճան է»,-ասել է նա: 

Նավալնիի տելեգրամ-ալիքում հրապարակված տեսանյութում էլ նա հայտնում է, որ դահլիճ չեն թողնվել լրագրողները: Ներսում են եղել միայն ոստիկանության, քննչական մարմինների լրատվական ծառայությունների աշխատակիցներն ու 1 լրատվական: Նավալնին պահանջել է ներս թողնել դրսում հավաքված տասնյակ լրատվամիջոցների աշխատակիցներին, սակայն պահանջը մերժվել է:

Ներսում եղած միակ լրատվամիջոցը՝ Life Shot-ը հայտնել է, որ գործիչը նաև դատավորին ինքնաբացարկի միջնորդություն է ներկայացրել, ինչը ևս մերժվել է՝ անհիմն որակվելով:

BBC-ն պարզել է, որ արտագնա նիստերը դատական պրակտիկայում արտասովոր չեն, դրանք առավել հաճախ իրականացվում են հիվանդանոցներում, երբ մեղադրյալը տեղաշարժի խնդիր ունի, սակայն ոստիկանական բաժանմունքում՝ իսկապես աննախադեպ է: Բացի այդ, խախտվել է Նավալնիի պաշտպանության իրավունքը, քանի որ փաստաբանները պետք է դատական նիստերի մասին ծանուցվեն 5 օր առաջ, արտակարգ նիստերի դեպքերում՝ 1 օրից մինչեւ մի քանի ժամ առաջ:

Նավալնիի կալանավորումն ինքնին իրավաբանական տեսանկյունից վիճելի է: Քրեական և դատավարական օրենսգրքերում չկա դրույթ, որի հիման վրա անվտանգության ուժերը կարող են բերման ենթարկել պայմանականորեն դատապարտված անձին, որոնք, ըստ տեսչության, թաքնվում են վերահսկողությունից: Մասնավորապես, հենց այս պատճառով պատիժների կրման ծառայությունը նախ Նավալնիի նկատմամբ հետախուզում հայտարարեց, ապա պահանջեց նրան բերման ենթարկել:

Ինքը Նավալնին ենթադրում էր նմանատիպ հեռանկարը եւ Գերմանիայից վերադառնալուց օրեր առաջ հայտնել էր, որ անկախ ամեն ինչից, վերադառնալու է հայրենիք:

Բրիտանական The Guardian պարբականը գրել է, որ ռուսական իշխանությունների ձեռքին են Նավալնիի հետ կապված հետագա զարգացումները, քանի որ նրանք վերջինիս հետ փորձել են գրեթե ամեն ինչ՝ դատական գործընթացներ, տնային կալանք, առևանգել են եղբորը, դատապարտել, հալածել ընտանիքին: Այժմ Նավալնիի համար, ըստ պարբերականի, հնարավոր է՝ երկարատև ազատազրկում է նախատեսված:

Ըստ New York Times-ի, Շերեմետյեվոյում տեղի ունեցած իրադարձությունները ցույց տվեցին 2 բան՝ որքան անվախ է Նավալնին և որքան է վախենում ռուսական իշխանությունը: Լրատվամիջոցը նաև գրում է, որ առաջիկա օրերին ընդդիմադիրների կողմից Ռուսաստանում բողոքի ցույցեր են սպասվում՝ Նավալնիի ազատազրկման հետ կապված:

The Independent-ն էլ նշել է, որ օդանավակայանում ընդդիմադիր գործչի ձերբակալումն իսկական թատրոնի է նմանվել, բայց վերջինս լռել չի պատրաստվում և նրան խանգարել չեն կարող անգամ բանտախցում տեղավորելով:

Washington Post-ը գրել է, որ այս ամենից հետո Ռուսաստանին սպասում են նոր պատժամիջոցներ ու բողոքի ակցիաներ:

Հիշեցնենք, ձերբակալությունից հետո ԱՄՆ պետքարտուղար Մայք Պոմպեոն կոչ է արել «անհապաղ և առանց որևէ պայմանի» ազատ արձակել Ալեքսեյ Նավալնիին։

Ջեք Սալիվանը, ում ԱՄՆ նորընտիր նախագահ Ջո Բայդենը մտադիր է նշանակել ազգային անվտանգության հարցերով խորհրդական, նույնպես կոչ է արել արագ կազմակերպել Նավալնիի ազատ արձակումը: Սալիվանն իր թվիթերյան էջում նշել է, որ, բացի այդ, նրա նկատմամբ մահափորձ կատարողները պետք է ենթարկվեն պատասխանատվության:

Եվրախորհրդի ղեկավար Շառլ Միշելը ևս, անընդունելի անվանելով Նավալնիի ձերբակալումը, ռուսական իշխանություններին կոչ է արել անհապաղ ազատ արձակել նրան:

Համատեղ հայտարարության մեջ Նավալնիի ազատ արձակման կոչ են արել նաև Լատվիայի, Լիտվայի և Էստոնիայի ԱԳ նախարարները՝ նշելով, որ եթե նրան չազատեն, կքննարկվի ՌԴ-ի նկատմամբ պատժամիջոցների սահմանման հարցը։ Բալթյան երկրները սպառնացել են, որ Եվրամիությունը կսկսի զբաղվել Նավալնիի անազատության գործով:

Ավստրիայի ԱԳ նախարարը ձերբակալության կապակցությամբ արտահայտել է խոր անհանգստություն և կոչ արել Նավալնիի կյանքի նկատմամբ ոտնձգությունների հետ կապված լիարժեք ու թափանցիկ հետաքննություն անցկացնել։

Ընդդիմադիր գործչի ազատ արձակման մտահոգությամբ առանձին հայտարարությամբ են հանդես եկել Դանիայի և Ֆրանսիայի ԱԳ նախարարները ևս: Լեհաստանի վարչապետ Մատեուշ Մորավեցկին ԵՄ-ից պահանջել է անհապաղ արձագանքել Նավալնիի ձերբակալությանը, իսկ ՌԴ իշխանություններին դիմելով՝ նշել, որ խնդրում է ազատ արձակել վերջինիս:

Նավալինին, Բեռլինից վերադարձել է Մոսկվա Գերմանիայում երկարատև բուժում ստանալուց հետո, «Շերեմետևո» օդանավակայան է ժամանել «Պոբեդա» ավիաընկերության DP 936 չվերթով Բեռլինի Բրանդենբուրգի օդանավակայանից: Վայրէջքն ի սկզբանե նախատեսված է եղել «Վնուկովո» օդանավակայանում, որտեղ հավաքված են եղել բազմաթիվ ընդդիմադիր գործիչներ, Նավալնիի աջակիցներ, լրատվամիջոցների ներկայացուցիչներ, սակայն վայրէջքի գոտու հետ կապված խնդիրների պատճառով ինքնաթիռն իջել է «Շերեմետևոյում»:

Հիշեցնենք՝ Ալեքսանդր Նավալնիին թունավորել էին «Նովիչոկ» խմբի քիմիական նյարդապարալիզացնող նյութով: Նման եզրակացության են եկել գերմանական կլինիկայի մասնագետները երկար ուսումնասիրություններից ու հետազոտություններից հետո: Արդյունքները երկու անգամ հաստատվել են Ֆրանսիայի եւ Շվեդիայի անկախ լաբորատորիաների կողմից:

Նա երկարատեւ բուժում էր ստանում Բեռլինի «Շարիտե» կլինիկայում, որտեղ տեղափոխվել էր անգիտակից վիճակում, կոմայի մեջ:

Գերմանիան, Եվրամիությունը, ՆԱՏՕ-ն եւ միջազգային այլ կառույցներ ու տասնյակ երկրներ մեղադրում էին Ռուսաստանի Դաշնությանն ու բացատրություններ պահանջում, քննարկվում էր Ռուսաստանի նկատմամբ սահմանափակումներ ու պատժամիջոցներ սահմանելու տարբերակը, քանի որ հիշյալ թունանյութը պետական թույլտվությամբ կիրառում են միայն ռուսական հատուկ ծառայությունները:

Տպել
2952 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում