Քիմ Քարդաշյանի կրտսեր քույրը՝ մոդել և ձեռներեց Քայլի Ջեները, կդառնա աշխարհի ամենաերիտասարդ միլիարդատերը, որն ինքնուրույն է վաստակել իր կարողությունը։ Նրա լուսանկարը հայտնվել է ամերիկյան Forbes պարբերականի հերթական համարի շապիկին՝ նվիրված աշխարհի ամենահարուստ կանանց։
Քայլի Ջեները, որն օգոստոսին 21 տարեկան կդառնա, 2016-ին հիմնել է կոսմետիկ միջոցների սեփական ապրանքանիշը և ներկա դրությամբ 900 մլն դոլար վաստակել։ Պարբերականի կարծիքով՝ մեկ տարի անց աղջիկը կդառնա աշխարհի ամենաերիտասարդ միլիարդատերը՝ շրջանցելով Facebook-ի հիմնադիր Մարկ Ցուկերբերգին։ Վերջինն իր առաջին մեկ միլիարդը 23 տարեկանում է վաստակել։
