Կոնեկտիկուտում (ԱՄՆ) բոստոնցի նկարիչ և քանդակագործ Դոմենիկ Էսպոզիտոն Purdue Pharma դեղագործական ընկերության մոտ հսկայական հերոինային գդալ է տեղադրել։ Ավելի քան 300 կիլոգրամ կշռող մոնումենտը խոչընդոտել է մեքենաների երթևեկությանը, քանդակն ինքն էլ՝ անօրինական է եղել։
Էսպոզիտոյին բաժանմունք են տարել, իսկ քանդակն օպերատիվ կերպով ապամոնտաժել են։ Քանդակագործը ոստիկաններին բացատրել է, որ Purdue Pharma–ն օրինական օփիատներ է արտադրում և այդպիսով նպաստում է թմրամիջոցներից կախվածություն ունեցող մարդկանց թվի աճին։
Դոմինիկ Էսպոզիտոյի համար թմրամիջոցները ցավոտ թեմա են։ Նրա եղբյարը տառապել է հերոինային կախվածությամբ։
«Շատ ընտանիքներ են պայքարում դրա դեմ։ Մեր ընտանիքում դա 14 տարի է տևել։ Դա սարսափելի էր, և նման բան չէի ցանկանա ոչ մեկին։ Իմ քանդակի չափսը խոսում է մեր երկրում օփիոիդային համաճարակի մասշտաբների մասին»,– ասում է Էսպոզիտոն։
Քանդակագործի հայտարարությունից հետո իշխանությունները որոշել են չոչնչացնել քանդակը և հիմա որոշում են, թե արդյոք կարելի է այն իր տեղը վերադարձնել՝ դեղագործական ընկերության և դեղատան պատուհանների տակ։