Սարգիս Գրիգորյան. Նոր իրողությունները սրում են տարածաշրջանում առկա հակամարտությունները. տեսանյութ

Թուրք-քրդական, թուրք-սիրիական հակամարտությունը շարունակում է մնալ միջազգային լրահոսի թոփ նյուզը։ Մերձավոր Արևելքն անկայուն վիճակում է։ Տարածաշրջանի վրա դա չի կարող չազդել։ Սարգիս Գրիգորյանի դիտարկմամբ՝ Թուրքիան ռազմական գործողություններ սկսելուց առաջ տնտեսական վիճակի ու հեռանկարների մասին գուցե չի էլ մտածել. թուրք-քրդական հակամարտությունը նախևառաջ անվտանգության խնդիր լուծելու նպատակ ունի։ Երբ և ինչպես, ում «հաղթանակով» կավարտվի հակամարտությունը, մասնագետը չի ուզում կանխատեսել, բայց մի բանում վստահ է՝ Սիրիան մասնակիորեն մասնատված է ու տեղային տնտեսությունը պարալիզված է։ Գրիգորյանը կարծում է՝ վնասները հաշվարկել, հարաբերականորեն ասած՝ հաղթողին որոշել կլինի միայն, երբ ավարտվի պատերազմը, տարածաշրջանն էլ կայություն ու խաղաղություն գտնի։