Հայկական թիմերի համար ֆուտբոլի Եվրոպա լիգայի խաղարկությունը դեռ չսկսված՝ ավարտվեց: Գյումրիի «Շիրակը» երկու հանդիպումների արդյունքում 4:2 հաշվով զիջեց Սլովենիայի «Գորիցային», Կապանի «Գանձասար-Կապանն» էլ՝ 4:0 հաշվով Մոնտենեգրոյի «Մլադոստին»: Փառահեղ ձախողմամբ աչքի ընկավ օլիգարխ Ռուբեն Հայրապետյանի՝ Նեմեց Ռուբոյի հիմնած Երևանի «Փյունիկը» 9:1 հաշվով զիջելով Բրատիսլավայի «Սլովանին»: Ի դեպ՝ «Փյունիկում» խաղում են բացառապես Նեմեց Ռուբոյի ֆուտբոլային սերնդի ներկայացուցիչները: Մասնավորապես, ՀՖՖ-ն 2002 թվականից գլխավորում է Ռուբեն Հայրապետյանը, որը շարունակ հայտարարում էր, որ իր նախագահության օրոք ֆուտբոլ հաճախող երեխաներից փայլուն սերունդ է ստացվելու:
Ներկայիս ֆուտբոլային սերունդը ոչ այլ ինչ է, քան «բռակ»: Մեր երկրում Հայրապետյանը շարունակ ֆուտբոլային ակադեմիաներ է բացում: Ֆուտբոլի դպրոց էլ չէ, ինստիտուտ էլ չէ՝ ակադեմիա: Ֆուտբոլից հեռու մարդը, լսելով ֆուտբոլի ակադեմիա արտահայտությունը, կմտածի՝ Հայաստանում ֆուտբոլային ակադեմիկոսների են կրթում: Սա՞ է ձեր ակադեմիաների սերունդը:
90-ականներին տղաները հողի, փոշու և ասֆալտի վրա ֆուտբոլ պարապելով շատ ավելի լավ էին խաղում: Լավ էին խաղում, քանզի Նեմեց Ռուբոն ՀՖՖ-ի նախագահը չէր, և երկիրը այս աստիճան թշվառ վիճակում չէր: Ներկայիս «Փյունիկը» և Նեմեց Ռուբոյի «բռակ» սերունդը այսօր կարող են օգտակար լինել միայն հայկական բանակին: Եթե «Փյունիկում» խաղում էին հայկական ֆուտբոլի նորագույն պատմության ակադեմիկոսները, ապա Կապանի «Գանձասար-Կապանի» կազմի հիմնական մասը ինչ-որ սևամորթ խաղացողներ էին, այսպես կոչված՝ ֆուտբոլային գռդոնչիները: Մրցակցի հարկի տակ 1:0 պարտվելուց հետո «Գանձասարը» Վազգեն Սարգսյանի անվան «Հանրապետական» մարզադաշտում զարգացրեց հաջողությունը և ձախողվեց խոշոր՝ 3:0 հաշվով: Ի դեպ, «Գանձասարի» գլխավոր մարզիչ Աշոտ Բարսեղյանին գոհացրել է ֆուտբոլային «գռդոնչիներով» համալրված թիմի խաղը: «Պետք էր, որ անպայման գոլ խփեինք: Երկրորդ խաղակեսից մոտ 15 րոպե հետո հարձակվող դուրս բերեցինք դաշտ, որպեսզի սրություն լիներ: Որոշեցինք ռիսկի դիմել, հակառակը եղավ: Մյուս 2 գոլերի մասին չեմ խոսում, արդեն հիասթափվել էին տղաները: Ընդհանուր առմամբ, տղաները լավ են գործել»,- խաղից հետո նշեց Բարսեղյանը: Նա նաև հավելել է. «Ակումբի նախագահը մտավ հանդերձարան, ասաց, որ լավ խաղացիք: Վրդովված էր չհաշվված գոլի համար, հավանաբար արդեն դիտել էր կրկնապատկերը: Ամեն դեպքում, ակումբի նախագահը գովեց տղաներին: Նա միշտ էլ մեզ քաջալերում է»:
Երկու հանդիպումների արդյունքում 9:1 հաշվով կրած պարտությունից ամենևին չի ընկճվել նաև «Փյունիկի» գլխավոր մարզիչ Արմեն Գյուլբուդաղյանցը: «Մենք ավելի շատ պաշտպանվում էինք ու փորձում խաղալ հակագրոհներով։ Մեր թիմն ապագայի թիմ է, և հավատում ենք, որ ամեն ինչ լավ է լինելու»,- ասել է նա:
Փոխանակ ամոթից գետինը մտնեն ու ասուլիսներին չներկայանան՝ մեր մարզիչները փորձում են Էշի տեղ դնել հայ ֆուտբոլասերին: Առկա իրավիճակում կարող է լավ լինել միայն մի դեպքում, երբ մեր թիմերը չխաղան: Ցավոք, մեր մարզիչների ֆուտբոլիստները, ինչու չէ՝ նաև Նեմեց Ռուբոն, չեն գիտակցում, որ խաղադաշում միայն ֆուտբոլիստները չեն պարտվում: Պարտվում է նաև ֆուտբոլասերը, վերջապես Հայաստանը: Շատ մարզիկներ երբ աշխարհի կամ Եվրոպայի չեմպիոն են դառնում, հայտարարում են, որ հաղթանակը նվիրում են հայ ժողովրդին՝ չգիտակցելով, որ այդ հաղթանակը, կամա թե ակամա, հայ ժողովրդինն է, քանզի բարձրացվել է մեր երկրի պետական դրոշն, ու Հայաստանի օգտին մեդալ գրանցվել: Տարիներ շարունակ մեր ֆուտբոլի ներկայացուցիչները նվաստացնում են Հայաստանն ու հայ ժողովրդին նվիրում ամոթի զգացողություն:
Չբավարարվելով խայտառակ արդյունքով՝ մեր մազիչները անամոթաբար հայտարարում են, որ տղաները լավ են խաղացել, և ամեն ինչ լավ է լինելու: Այսքանից հետո մնում է ասել. «Հալալ ա ձեզ, տղերք: Աստված տա, որ միշտ սենց լավ խաղաք, ու բարձր պահեք մեր երկրի պատիվը»: