Մարմնամարզիկները մեդալներ չեն նվաճել աշխարհի գավաթի խաղարկությունում
10:34, 19 Սեպտեմբեր 2017
ԵՐԵՎԱՆ, 19 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի մարմնամարզության հավաքականի անդամներն ավարտեցին ելույթները Փարիզում ընթացող աշխարհի գավաթի խաղարկությունում:
«Արմենպրես»-ի հաղորդմամբ` Օլիմպիական խաղերի մասնակից Արթուր Դավթյանը հենացատկերում 6-րդն էր, իսկ օղակներում` 8-րդը, սակայն նժույգաթափերի և զուգափայտի եզրափակիչ դուրս չի եկել: Վահագն Դավթյանը օղակների վարժության եզրափակիչում գրավել է 6-րդ տեղը: Հարություն Մերդինյանին չի հաջողվել հաղթահարել որակավորման փուլը:
Հավաքականը, Հակոբ Սերոբյանի գլխավորությամբ, սեպտեմբերի 27-ին կմեկնի Կանադա` աշխարհի առաջնությանը:
Բաժանորդագրվեք մեր ալիքին Telegram-ում