Գեդիկյանի ֆիլմը Վենետիկի կինոփառատոնի մրցութային ծրագրում է28 հուլիսի 2017 - 12:53 AMT PanARMENIAN.Net - Ֆրանսահայ ռեժիսոր Ռոբեր Գեդիկյանի ֆիլմն ընդգրկվել է Վենետիկի 74-րդ կինոփառատոնի մրցութային ծրագրում: Այդ մասին ասվում է կինոփառատոնի պաշտոնական կայքում: Կինոփառատոնը կանցնի օգոստոսի 30-ից սեպտեմբերի 9-ը: La Villa («Առանձնատուն») ֆիլմի գործողությունը ծավալվում է Մարսելի արվարձանում: Ըստ սյուժեի, կինոնկարի գլխավոր հերոսները քույր ու եղբայր են, որոնք այցելում են իրենց տարեց հորը: Հայրական տանը երեխաները սկսում են մտորել, թե որքանով են հետևել հոր գաղափարներին: Մրցութային ծրագրին մասնակցում են նաև ամերիկացի ռեժիսոր Դարեն Արոնոֆսկին և Ջորջ Քլունին: Մրցութային ծրագրում ևս 18 նախագիծ կա: 2017-ին փառատոնի ժյուրին կգլխավորի ամերիկացի դերասանուհի Անեթ Բենինգը: Բացմանն ակնկալվում է Մեթ Դեյմոնի, Ջուլիանա Մուրի, Ջենիֆեր Լոուրենսի, Ջուդի Դենչի, Շառլոտտա Ռեմփլինգի ներկայությունը: 2015-ին «Ոսկե ծիրան» երևանյան 12-րդ միջազգային կինոփառատոնում Գեդիկյանն արժանացել է «Եղիցի լույս» հատուկ մրցանակին: 2015-ին «Ոսկե ծիրան» երևանյան 12-րդ միջազգային կինոփառատոնը մեկնարկեց ֆրանսահայ ռեժիսոր Ռոբեր Գեդիկյանի «Մի ասեք, թե տղան խելագար էր» ֆիլմի ցուցադրությամբ:Ռոբեր Գեդիկյանի ֆիլմը ցուցադրվել էր 2015–ին Կաննի կինոփառատոնի «Հատուկ ցուցադրություներ» ծրագրի շրջանակում: Գեդիկյանն իր ֆիլմում միավորում է Մարսելի աշխատող դասի սոցիալ-ռեալիստական ժամանակագրությունը և իր հայրական արմատները՝ ցուցադրելով Հայոց ցեղասպանության շարունակական ազդեցությունը տեղահանված սերունդների վրա: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Կայծակը հարվածել է Աբու Դաբի-Երևան չվերթի օդանավին՝ ճաքել է պատուհաններից մեկը Օդանավում խուճապ է սկսվել, սակայն օդաչուների պրոֆեսիոնալիզմի շնորհիվ հաջողվել է անվնաս վայրէջք կատարել Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում GRECO-ն ՀՀ-ին կոչ է արել ավելի ուժեղ վերահսկողություն սահմանել բարձրագույն գործադիր գործառույթների նկատմամբ Իշխանությունները GRECO-ին պետք է ներկայացնեն զեկույցում առկա 22 առաջարկությունների վերաբերյալ իրենց կատարողականը Սենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունը |