  ԵԶԲ-ն Ամերիաբանկին $30 մլն է տրամադրել՝ ՀՀ-ում ՓՄՁ-ների ֆինանսավորմանը 7 մայիսի 2018 - 10:53 AMT PanARMENIAN.Net - Եվրասիական զարգացման բանկը և «Ամերիաբանկ» ՓԲԸ-ն ստորագրել են $30 մլն-ի վարկային գծի պայմանագիր 4 տարի ժամկետով: Այն հնարավորություն կտա Հայաստանին խթանել փոքր և միջին ձեռնարկությունների զարգացումը: Ծրագրի իրականացումը կնպաստի բանկային գործունեության, այդ թվում բիզնեսի վարկավորման շրջանակների ընդլայնմանը, ինչպես նաև թույլ կտա զարգացնել տնտեսության իրական հատվածի ոլորտները: Փոքր և միջին ձեռնարկությունները ռազմավարական նշանակություն ունեն Հայաստանի Հանրապետության համար: Դրանք ապահովում են տնտեսության կայունությունը: Նշված ֆինանսավորումը կօգնի ՓՄՁ-ներին լուծել կապիտալ ներդրումների համար պահանջվող երկարաժամկետ ֆինանսավորման խնդիրը: Եվրասիական զարգացման բանկը միջազգային ֆինանսական հաստատություն է, որը հիմնվել է ՌԴ և Ղազախստանի կողմից 2006թ-ի հունվարին՝ անդամ երկրների շուկայական տնտեսության զարգացումը խթանելու, կայուն տնտեսական աճ ապահովելու և առևտրատնտեսական կապեր հաստատելու նպատակով: ԵԶԲ-ի կանոնադրական կապիտալը կազմում է 7 մլրդ ԱՄՆ դոլար: ԵԶԲ-ին անդամակցում են Հայաստանը, Բելառուսը, Ղազախստանը,Ղրղզստանը, Ռուսաստանը և Տաջիկստանը: «Ամերիաբանկ» ՓԲԸ Հայաստանի դինամիկ զարգացող բանկերից է և դասվում է երկրի ամենակայուն և խոշոր ֆինանսական հաստատությունների շարքին: Այն Հայաստանում առաջին ներդրումային բանկն է և սկսած 2007-ից` տրամադրում է նորարարական բանկային ծառայությունների լայն տեսականի: «Ամերիաբանկ» ՓԲԸ ունիվերսալ բանկ է, որը մատուցում է կորպորատիվ, ներդրումայինև մանրածախ բանկային ծառայություններ` տրամադրելով բանկային լուծումների ամբողջական փաթեթ:   Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը   |  Վերջին լուրեր Վարչապետ․Եթե Տավուշում տների հետ կապված խնդիր լինի, պետությունը տեր կկանգնի՝ նոր տներ կկառուցի  Վարչապետի խոսքով՝ խնդիրները, որ տեղ-տեղ ծագում են հայկական կողմի համար, հնարավոր է, որ ծագեն նաև Ադրբեջանի համարՓաշինյան․ Ռուսական հենակետերը դուրս կբերվեն Տավուշից Խոսելով հայ սահմանապահների տեղակայման ժամկետների մասին` նա շեշտել է, որ այդ գործընթացը պետք է հնարավորինս արագ անելՎարչապետ․ Որոշումը նվազեցնելու է անվտանգային ռիսկը Բաղանիս-Կիրանց-Ոսկեպար հատվածում և ՀՀ սահմանի ամբողջ երկայնքով Նա ընդգծել, որ իհարկե, սա ձեռքբերում է Ադրբեջանի համար, բայց սա նաև էական ձեռքբերում է նաև ՀՀ համար |
