Հայկական ֆուտբոլում հերթական սկանդալն է ծագել: Երևանի «Արարատի» հարավաֆրիկացի հարձակվող Մպումելելո Դադիբոյ Զվանեն դիմել է Հայաստանի ֆուտբոլի ֆեդերացիա հայտարարելով, որ գլխավոր մարզիչ Աբրահամ Խաշմանյանն իրեն ծեծի է ենթարկել: «Մարտի 2-ին «Արարատը» պարտվեց: Ես չխաղացի, բայց խաղից հետո մոտեցավ ինձ, ասեց, որ ես ժպտում եմ և ապտակեց: Ես շատ զայրացած էի, թիմակիցներիցս մեկն էլ դա տեսավ, ու ևս շատ զայրացած էր: Ես ոչինչ չասացի, որովհետև մտածեցի, որ կհանեն թիմից: Եթե ես ինչ-որ բան ասեի, բոլորը կիմանային:
Հաջորդ միջադեպը եղավ մարտի 25-ին՝ ընկերական խաղից հետո: Այդ խաղին էլ շատ խաղաժամանակ չստացա: 10 րոպե խաղացի ձախ պաշտպանի դիրքում, թեև ձախ հարձակվող եմ: Ամեն անգամ ինձ ուրիշ դիրքում էր դնում, նույնիսկ մարզումների ժամանակ դժվարությամբ էի կարողանում հարմարվել դիրքին: Խաղից հետո Աբրահամն եկավ իմ սենյակ ու կանչեց ինձ՝ իմ անունից բացի գոռալով «հիմար, անօգուտ, սև արտասահմանցի, հետո ապտակեց ու հարվածեց ինձ: Ես սկսեցի հրել նրան, խաղացողներից մի քանիսը տեսան ինչ է կատարվում եկան ու կանգնեցրին մարզչին: Ես ցավեր ունեի, նաև շոկի մեջ էի, որ մարզիչը կարող է այդպես հարվածել ֆուտբոլիստին: Ամենավատն այն է, որ նա եկավ իմ սենյակ ու ծեծեց ինձ, որովհետև ես միշտ լուռ եմ եղել»,- Armfootball.am-ին տված հարցազրույցում ասել է Զվանեն: Վերջինիս պնդմամբ թիմի աշխատակիցներն ու բժիշկները թույլ չեն տվեն գնալ հիվանդանոց: Ակումբի բժիշկը հաբեր գրեց՝ ցավազրկող, վիզս, ձախ աչքս ու ծնոտս ցավում էին: «Ես բողոքով դիմել եմ ֆեդերացիա, նրանք ինձ կանչել են, վկայություն եմ տվել, պատմել եմ՝ ինչ է եղել»,- նշել է : «Արարատի» հարձակվողը:
Աբրահամ Խաշմանյանը Armfootball.am-ի թղթակցի հետ զրույցում հերքել է իր հասցեին հնչած մեղադրանքը: Ավելին Խաշմանյանը հայտարարել է, որ Զվանեն գող է և ստախոս: «Նման բան չի եղել և չէր կարող լինել: Նրա խոսքերում ոչինչ ճիշտ չէ: Նա ծույլ ու ստախոս ինչ-որ մեկն է: Նա գող է: Ակումբից մարզահագուստ է գողացել: Բղավել եմ նրա վրա ու ասել, որ գող է: Պահանջել եմ հետ վերադարձնել գողացված մարզահագուստը: Նա իրենից ոչինչ չի ներկայացնում, որ ձեռք բարձրացնեմ նրա վրա: Փառք Աստծո, նորմալ լեզու ունեմ, որպեսզի կարողանամ բացատրել նրա նմաններին: Մեղադրանք ներկայացնելու համար հարկավոր է փաստեր ունենալ, այլապես յուրաքանչյուր մարդ կարող է ցանկացած ուրիշին ինչ-որ բանում մեղադրել»,- ասել է «Արարատի» գլխավոր մարզիչ: Տեղի ունեցած իսկապես տհաճ է և ամոթալի: Աբրահամ Խաշմանյանը մեր լավագույն մասնագետներից է և ճանաչելով նրան դժվար է հավատալ, որ կարող էր նման կերպ վարվել ֆուտբոլիստի հետ:
Այստեղ հարց է ծագում, եթե Խաշմանյանն իսկապես ծեծել է Զվանեին, ապա ինչ նա ՀՖՖ փոխարեն չի դիմել ոստիկանություն: Իրականում «Արարատի» հարձակվողի կողմից ասվածը հաղորդում է հանցագործության մասին, սակայն տեղի ունեցածի վերաբերյալ բողոք չի ներկայացվել իրավապահ մարմիններին: Խաշմանյանն իր հերթին Զվանեին մեղադրում է գողության մեջ, ինչը ևս քրեորեն պատժելի արարք է: Ստացվում է, որ թե ֆուտբոլիստը և թե թիմի գլխավոր մարզիչը հայտարարում են տեղի ունեցած հանցագործության մասին: Խաշմանյանին կարելի է հասկանալ, թիմի գլխավոր մարզիչ չի ցանկացել, որ տեղի ունեցածի վերաբերյալ աղմուկ բարձրանա: Իսկ ինչ վերաբեվում է Զվանեին, ապա վստահ ենք, որ եթե նրա մարմնի վրա լինեին կապտուկներ կամ բռնության հետաքեր, ապա նա առանց վարանելու հաղորդում կներկայացնել ոստիկանությունը պահանջելով պատժել թիմի գլխավոր մարզչին:Իրականում Հայաստանի ֆուտբոլի ֆեդերացիան չէ, որ պետք ուսումնասիրի տեղի ունեցածը: Սա կարգապահական խնդիր չէ, որը տեղի է ունեցել Հայաստանի առաջնության կամ գավաթի խաղարկության մրցավեճի ժամանակ: Տեղի է ունեցել արատավոր երևույթ թիմի ներսում, որին միանշանակ պետք է իրավական գնահատական տրվի:
Ֆուտբոլը էմոցիոնալ մարզաձև է և միջադեպերն ու նմանատիպ երևույթները կարծես թե անխուսափելի են: Ցավոք վերջին շրջանում մեր ֆուտբոլում տհաճ միջադեպերն ու սկանդալները չափից ավելի շատ են: Ու սա այն դեպքում, երբ հայկական ֆուտբոլը ծանր իրավիաճակում է: Մենք խոսում ենք ֆուտբոլի զարգացման հեռանկարների մասին միևնության ժամանակ ականատեսը լինելով նման երևույթների: Վերջին միջադեպի մեղավորը թերևս «Արարատի» ղեկավարներն են, որոնք չեն հասցրել պատշաճ կերպով ծանոթանալ հարավաֆրիկացի ֆուտբոլիստների թե խաղային և թե մարդկային որակներին: Երևանյան ակումբը լուրջ հավակնություններ ուներ և ձմեռային տրանսֆերային պատուհանի ընթացքում համալրվեց բազմաթիվ լեգեոներներով: Նրանց գալուստը կարծես թե դրական ազդեցություն չունեցավ խաղի որակի վրա և «Արարատը» շարունակում է անհաջող ելույթ ունենալ Հայաստանի առաջնությունում: Դրան զուգահեռ էլ վայ լեգեոներները արատավորում են ոչ միայն թիմի այլև հայկական ֆուտբոլի համբավը:
Հուսանք որ տեղի ունեցածը համարժեք գնահատական կստանա: