«Մամուլի հետ սուրճ» հաղորդման մայիսի 17-ի հյուրը Armday.am կայքի լրագրող, քաղաքական վերլուծաբան Վաչիկ Գրիգորյանն է։
Մեր զրուցակիցն անդրադարձավ Արցախի գործող և նախկին ղեկավարների դատարան գալու և Ռոբերտ Քոչարյանի համար անձնական երաշխավորագիր ներկայացնելու հանգամանքին.«Սա անձնային աջակցություն է Ռոբերտ Քոչարյանին և ոչ այլ ինչ, քան քաղաքական գործըթնաց։ Եթե մարդիկ կարծում են, որ երկու նախագահները հանդես են գալիս Արցախի անունից՝ ես այդպես չեմ կարծում»։
Անդրադառնալով այն տեսակետներին, թե չի կարելի քննադատել արցախյան ազատամարտում ավանդ ունեցած մարդկանց, Վաչիկ Գրիգորյանն արձագանքեց.«Ես որևէ կերպ չեմ փորձի իրենց ինչ-որ բանում մեղադրել, բայց եթե պետք է այդ տրամաբանությամբ առաջնորդվենք՝ Արցախը ազատագրել ու գալ Հայաստան զբաղվել սպանություններով, թալանով ու գողություններով՝ ճիշտ չէ։ Եթե հերոս ես, պարտավոր ես ամբողջ կյանքում պահպանել այդ ամենը»։