Thursday, 28 03 2024
Սուրեն Պապիկյանը ծանոթացել է նաև ՀՀ ռազմարդյունաբերության նորագույն նմուշներին
Հանրակրթության նոր չափորոշիչի ներդրմանը զուգահեռ դասարաններում կկրճատվի աշակերտների թիվը. Անդրեասյան
ՔՊ նիստում քննարկվել են եվրոպական կուսակցական միությունների գաղափարախոսությունները
«Դժվարին որոշում եմ կայացրել` չհավակնել Բարձրագույն դատական խորհրդի դատավոր անդամի թափուր տեղին». Վազգեն Ռշտունի
«Ռուսաստանը հաջողության է հասնում այնտեղ, որտեղ դրա կարիքն ունի»․ Պուտին
Հրազդանում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Վլադիմիր Վարդանյանը կմասնակցի Մարդու իրավունքերի եվրոպական դատարանի դատավորների ընտրության հանձնաժողովի նիստին
Ծեծի է ենթարկել իր անչափահաս դստերը և փորձել սեռական հարաբերություն ունենալ նրա հետ
Այն, ինչ կներվի Բաքվին, չի ներվի Երևանին. Կրեմլը բաց է խաղում
ԵՄ ներկայությունը Բաքվին հանգիստ չի տալիս
Ադրբեջանը «կլրջացնի՞» ՀԱՊԿ-ի հետ ընկերությունը
Ազատագրվել ռուսական կախվածությունից. եվրաինտեգրման առաջնահերթությունները
Դիմակներն այլևս հանված են. Մոսկվան հանձնում է իր ամենաարժեքավոր ագենտին
Տղամարդը դանակահարել է նախկին կնոջն ու նրա քրոջը
Հայաստանը «դիվերսիֆիկացնում է» քաղաքականությունը, Ռոսատոմը մոդեռնիզացնում է Մեծամորի ԱԷԿ-ը
Գործակալ հիշեցնող Շահրամանյանը
Բաքվի խոշոր «խաղադրույքը»
Կլիմայի փոփոխության բացասական ազդեցությունը նկատելի է գյուղատնտեսության և տնտեսության մի շարք այլ ճյուղերում. փոխնախարար
Ռուսաստանում տեղի ունեցած ահաբեկչության գործով նոր կասկածյալ է հայտնվել
Արմեն Գևորգյանը ԵԽԽՎ դիտորդական առաքելության կազմում կհետևի Հյուսիսային Մակեդոնիայի նախագահական ընտրություններին
Մի համագործակցության խրոնիկա
Հայաստանը չունի ավելի ուժեղ զենք, քան միջազգային իրավունքը. չկրակելը խելամիտ չէ
Սասունցի Դավթի դարաշրջանը չէ. ԱՄՆ-ից ակնկալիքներին զուգահեռ պետք է ամրապնդել պետությունը
Երևանում ծառի ճյուղը թեքվել և ընկել է էլեկտրական լարերի վրա. փրկարարները մասնատել են ծառի ճյուղը
21:40
Ղազախստանի դեսպանատունը խորհուրդ է տվել լքել Օդեսայի և Խարկովի մարզերը
Վիճաբանություն և ծեծկռտուք՝ անչափահասների մասնակցությամբ․ կա վիրավոր
Քանի՞ մարդ է թունավորվել Հայաստանում
«Հայաստանի և Ռուսաստանի հարաբերություններում ստեղծված իրավիճակը լավատեսություն չի ներշնչում»․ Լավրով
Բաքվի անհիմն մեղադրանքն ու խորամանկ խաղը Բրյուսելից առաջ
«Կրոկուսի ահաբեկչության հեղինակներն Ուկրաինայից զգալի գումարներ և կրիպտոարժույթներ են ստացել»․ ՌԴ ՔԿ

Հետաքրքիր նշանակումներ՝ Արցախում. կարևոր հարցը մնում է բաց

Արցախի նոր նախագահ Արայիկ Հարությունյանը հայտարարել է Մասիս Մայիլյանին և Սամվել Բաբայանին իշխանության կազմ ընդգրկելու մասին: Մայիլյանը փաստորեն վերանշանակվել է արտգործնախարարի պաշտոնում, իսկ Սամվել Բաբայանը նշանակվել է Անվտանգության խորհրդի քարտուղար:

Այդ նշանակումները հետաքրքիր են գուցե ոչ այնքան նոր կառավարության ձևավորման տրամաբանության, որքան Մայիլյանի և Բաբայանի քաղաքական դիրքավորումների տեսանկյունից, որ նրանք ունեին նախագահի և խորհրդարանի մի քանի շաբաթ առաջ տեղի ունեցած ընտրությանը: Հայտնի է, որ Բաբայանը և Մայիլյանը մեկ ընդդիմադիր դաշինքում էին, Մասիս Մայիլյանը նախագահի ընտրությանը Հարությունյանի հիմնական մրցակիցն էր, նրա հետ երկրորդ փուլ դուրս եկած թեկնածու: Երկրորդ փուլում Մասիս Մայիլյանը կոչ արեց չմասնակցել քվեարկությանը՝ կորոնավիրուսի տարածում թույլ չտալու համար: Սամվել Բաբայանի գլխավորած «Միասնական հայրենիք» կուսակցությունը խորհրդարանի ընտրությանը զբաղեցրեց երկրորդ տեղը:

Բայց նախագահի ընտրությունից հետո փաստորեն տեղի է ունենում ընտրության, այսպես ասած, իշխանական և ընդդիմադիր դիրքերի մերձեցում, ինչը նշանակում է, որ Արցախի ներքաղաքական կյանքում շարունակում է բաց մնալ գործնականում մշտապես առկա՝ ինստիտուցիոնալ ընդդիմության հարցը: Այստեղ, իհարկե, իրավիճակը բավականին բազմաշերտ ու բարդ է:

Նախ՝ գործնականում անշուշտ ողջունելի է Մասիս Մայիլյանի նշանակումը արտգործնախարարի պաշտոնում, թեկուզ այն պարզ պատճառով, որ Մայիլյանն արցախյան քաղաքական դաշտում բացառիկ պրոֆեսիոնալ է իր դիվանագիտական-քաղաքական կարողությունների և այդ թվում նաև՝ արցախյան հարցի առնչությամբ հայեցակարգային պատրաստվածության իմաստով: Եվ հաշվի առնելով այն, թե ինչպիսի հնարավոր տարբերակներ էին քննարկվում կամ կարող էին լինել, Մայիլյանի վերանշանակումը, անկասկած այդ առնչությամբ գնահատականների սպասելի հակասականության պայմաններում, այդուհանդերձ դրական է թե՛ արցախյան սուբյեկտության ռազմավարության, թե՛ ընդհանուր հայկական քաղաքականության հեռանկարի տեսանկյունից: Առավել ևս, որ իբրև քաղաքական գործոն Մասիս Մայիլյանը չէր էլ ձևավորվել, այն իմաստով, որ նա ուներ քաղաքական աջակից ուժեր, սակայն մեծ հաշվով չկար այն սոցիալական բազան և ինստիտուցիոնալ հենքը, որ թույլ կտար խոսել նրա մասին որպես քաղաքական կայուն գործոնի: Դա պետք է ձևավորվեր հետագայում, սակայն ըստ ամենայնի Մասիս Մայիլյանը կատարել է քաղաքական գործունեության այլ ընտրություն:

Այդ իմաստով առավել կարևոր է Սամվել Բաբայանի ընտրությունը՝ հաշվի առնելով այն, որ Բաբայանն Արցախում անկասկած քաղաքական գործոն է, ինչն ակնառու դարձավ նաև ընտրական գործընթացի արդյունքում: Ներկայանալով ընդդիմության դիրքից՝ նա փաստորեն կոալիցիա է կազմում իշխանության հետ՝ դե ֆակտո: Ինչպես կազդի այդ հանգամանքը նրա հետագա քաղաքական վարկի վրա՝ կգնահատի կամ ցույց կտա ժամանակը, այդ թվում ժամանակը՝ Արայիկ Հարությունյանի հետ համատեղ աշխատանքի ընթացքի տեսանկյունից: Ինչպիսի՞ն կլինի այն, կլինե՞ն հնչեղ տարակարծություններ, թե՞ ոչ, և այլն: Այդ առումով Բաբայանի համար իրավիճակը կարող է վերածվել ավելի հեռու գնալու ցատկահարթակի՞, թե՞ պռնկի՝ ավելի բարձրից ընկնելու տեսանկյունից:

Բոլոր դեպքերում ակնառու է, որ գաղափարական, քաղաքական ընդդիմության և քաղաքական մրցակցության հարցն Արցախում մնում է բաց: Իսկ այդ հարցն առաջին հերթին կարևոր է որևէ իշխանության համար, որևէ երկրում: Քաղաքական կայուն և հավասարակշռված մրցակցության բացակայությունը երկարաժամկետ հեռանկարում ստեղծում է համակարգային ռիսկեր բոլորի համար: Ի վերջո, որևէ իշխանության կայուն կենսագործունեության հարցի լուծում առավելագույնս երաշխավորված կարող է լինել ընդդիմության առկայության և կայուն կենսագործունեության հնարավորության պայմաններում:

Արցախում, իհարկե, ընդդիմության կարգավիճակում մնում է Վիտալի Բալասանյանը, բայց նրա նախընտրական՝ գրեթե թշնամական տոնայնությամբ վարքագիծը, այդ թվում Հայաստանի կառավարության հանդեպ, նրան չի տալիս հավասարակշռող ընդդիմություն լինելու մեծ հեռանկար:

Բաժիններ
Ուղիղ
Լրահոս
Որոնում