ՕՊԵԿ-ի վերջերս կնքած համաձայնագիրը վկայում է ԱՄՆ-ի հերթական պարտության մասին և խափանեց նրա պլանները։ Այս մասին հայտարարել է Իրանի նախագահ Հասան Ռուհանին՝ տեղեկացնում է Tasnim-ը։
«Չնայած ՕՊԵԿ-ի գործերին միջամտելու եւ նավթի մատակարարումների հավասարակշռությունը խախտելու ամերիկացիների փորձերին, նրանց դավադրությունը, բարեբախտաբար, խափանվել է դիմադրության (ՕՊԵԿ անդամ-երկրների) և Իսլամական Հանրապետության կողմից»,- կիրակի երեկոյան կառավարության նիստում ասել է Ռուհանին։
Հիշեցնենք, որ ՕՊԵԿ-ի անդամները և նավթարդյունահանող 10 այլ երկրներ դեկտեմբերի 7-ին պայմանավորվել էին օրական 1,2 մլն բարելով կրճատել նավթի արդյունահանումը։
Օպեկի անդամ-երկրները ծրագրում են արդյունահանումը կրճատել 800 000, իսկ ոչ անդամները՝ 400 000 բարելով։