Ի լրումն հանրապետությունում գործող եւ կառուցվող խոշոր ջրամբարների՝ հարկավոր է փոքր եւ միջին ջրամբարների ցանց ստեղծել: Օգոստոսի 3-ին կայացած ՀՀ կառավարության նիստում այս մասին հայտարարեց վարչապետ Կարեն Կարապետյանը:

Նա էներգետիկ ենթակառուցվածքների եւ բնական պաշարների նախարարությանն առընթեր ջրային տնտեսության պետական կոմիտեի ղեկավար Արսեն Հարությունյանին հանձնարարեց երկամսյա ժամկետում ուսումնասիրել ջրամբարների կառուցման հնարավորությունը եւ մոտավոր հաշվարկ ներկայացնել: Հարկավոր է այդ հարցով քննարկումներ կազմակերպել բնապահպանության, տարածքային կառավարման եւ զարգացման, գյուղատնտեսության եւ արտակարգ իրավիճակների նախարարությունների հետ: