719 դիտում
10:20 14-01-2021
Բայդենը հույս է հայտնել, որ Թրամփին պաշտոնանկ անելու ընթացակարգը չի ազդի իր վարչակազմի հաստատման ժամկետների վրա
ԱՄՆ նորընտիր նախագահ Ջո Բայդենը հույս է հայտնել, որ գործող նախագահ Դոնալդ Թրամփին պաշտոնանկ անելու ընթացակարգը չի ազդի նոր վարչակազմում գերատեսչությունների ղեկավարների հաստատման ժամկետների վրա:
«Այսօր Ներկայացուցիչների պալատի անդամներն օգտվեցին մեր Սահմանադրությամբ իրենց վերապահված լիազորություններից և քվեարկեցին պաշտոնանկության ընթացակարգ սկսելու և նախագահին պատասխանատվության ենթարկելու օգտին»,- [url=https://buildbackbetter.gov/press-releases/statement-by-president-elect-joe-biden-on-the-house-of-representatives-impeachment-of-president-trump/]հաղորդագրություն[/url] է տարածել Բայդենը։
Նա նաև հույս է հայտնել, որ «Սենատում առաջնորդներն իրենց սահմանադրական պարտականությունները կատարելու այնպիսի միջոց կգտնեն, որը չի խոչնդոտի ԱՄՆ-ի համար կարևոր այլ հարցերի շուրջ աշխատանքը»։
Դեմոկրատն ընդգծել է, որ խոսքը Սենատում «առանցքային պաշտոնների համար իր առաջադրած թեկնածուների հաստատման մասին է, այդ թվում ՝ Ազգային հետախուզության տնօրենի, ներքին անվտանգության նախարարի, պետքարտուղարի, պաշտպանության նախարարի, ֆինանսների նախարարի»:
«Ես հաճախ ասել եմ, որ անհնար ոչինչ չկա, եթե մենք դա միասին անենք»,- եզրափակել է նա:
Հիշեցնենք, որ ժամեր առաջ ԱՄՆ Ներկայացուցիչների պալատը ձայների մեծամասնությամբ ընդունեց երկրի գործող նախագահ Դոնալդ Թրամփին պաշտոնանկ անելու վերաբերյալ դեմոկրատների ներկայացրած բանաձևը:
Բանաձևն ընդունվել է 232 կողմ և 197 դեմ ձայներով: Թրամփին պաշտոնանկ անելու օգտին քվեարկել են նաև թվով 10 հանրապետական օրենսդիրներ:
Նմանատիպ նյութեր
1152 դիտում
17:00 15-04-2015
Ամերիկյան Կոնգրեսի կարծիքը չի ազդի Իրանի միջուկային հարցով համաձայնագրի վրա. Հասան Ռուհանի
1956 դիտում
18:47 14-12-2015
Թուրքիայի վարչապետ. Հուսով եմ, որ ռուս-թուրքական հարաբերությունները չեն ազդի ֆուտբոլի վրա
1621 դիտում
12:45 24-11-2016
Brexit-ը չի ազդի ՆԱՏՕ-ի առանցքային դերակատարման վրա. Մեծ Բրիտանիայի վարչապետ
Այս բաժնից
346 դիտում
19:50 27-03-2024
ԱՄՆ-ն բանակցություններ է սկսել Թուրքիայի հետ՝ Ուկրաինայի համար պայթուցիկ նյութեր գնելու շուրջ
415 դիտում
19:38 27-03-2024
Ֆրանսիան Հաիթիից հետ է կանչել իր ավելի քան 170 քաղաքացիներին
391 դիտում
18:00 27-03-2024
Թուրքիայի ՊՆ-ն հերքում է Իսրայելի հետ համագործակցության մասին լուրերը