Ամերիկյան Apple ընկերությունը թողարկել է iOS 11 օպերացիոն համակարգի եզրափակիչ տարբերակը, փոխանցում է «ՌԻԱ Նովոստի»-ն:
«Ամբողջ աշխարում iPhone-ի եւ iPad-ի օգտատերերը իրենց սարքերի վրա iOS 11 տեղադրելու հնարավորություն են ստացել, որը բջջային օպերացիոն համակարգի կարեւոր թարմացում է եւ iPad-ի պատմության մեջ ծրագրային խոշորագույն ներկայացում»,- նշված է Apple-ի մամուլի ծառայության հաղորդագրության մեջ:
Էկրանի ստորին հատվածում տեղակայված հավելվածներով (dock) ամրացված վահանակը փոփոխվել է եւ նմանվել ընկերության համակարգիչներին: Վահանակում ամրացված ցանկացած հավելված հիմա հնարավոր է բացել ակտիվ ծրագրերի վրա:
Խոսքը 2 ռեժիմի մասին է: Մասնավորապես՝ slide over, երբ օգտատերը կարծես նոր հավելվածը «զննում» է, որի ընթացքում նախկինում գործարկված ծրագիրը ֆոնային ռեժիմում է մնում, ինչպես նաեւ split view, երբ օգտատերը էկրանին աշխատում է 2 հավելվածներով միաժամանակ: Այս հավելվածը հասանելի է նաեւ Safari բրաուզերին:
Էաապես փոփոխվել է կառավարման վահանակը: Բացի տարբեր հավելվածների եւ կարգավորումների նշաններից, ընկերությունն ավելացրել է գործարկված հավելվածների նշաններ:
