Գվարդիոլան կարծում է` «Մանչեսթեր Սիթի»-ն չի հաղթի Չեմպիոնների լիգայում
11:09, 21 Հոկտեմբեր 2019
ԵՐԵՎԱՆ, 21 ՀՈԿՏԵՄԲԵՐԻ, ԱՐՄԵՆՊՐԵՍ: Անգլիական «Մանչեսթեր Սիթի»-ի գլխավոր մարզիչ Պեպ Գվարդիոլայի կարծիքով իր թիմն ընթացիկ մրցաշրջանում չի կարողանա հաղթել Չեմպիոնների լիգայում:
«Արմենպրես»-ի հաղորդմամբ` այս մասին գրում է The Guardian-ը: «Մարդիկ խոսում են Չեմպիոնների լիգայում «Մանչեսթեր Սիթի»-ի հաղթանակի մասին, բայց մենք դեռևս ընդունակ չենք դրան»,-ասել է իսպանացի մասնագետը:
Գվարդիոլայի խոսքով` «քաղաքայինները» շատ պահեր են ստեղծում մրցակցի դարպասի մոտ, սակայն չեն իրացնում դրանք:
«Մանչեսթեր Սիթի»-ին իր պատմության մեջ Չեմպիոնների լիգայի կիսաեզրափակչից այն կողմ չի անցել: Ընթացիկ մրցաշրջանում ՉԼ C խմբում «Մանչեսթեր Սիթի»-ն առաջինն է:
Բաժանորդագրվեք մեր ալիքին Telegram-ում