Հրանտ Դինքի սպանության գործով հերթական դատական նիստի ժամանակ դատավորը ազատ արձակման որոշում է կայացրել 4 կասկածյալի նկատմամբ։

Թուրքական Cumhuriyet-ի փոխանցմամբ՝ Ստամբուլի ծանր հանցագործությունների գործերով 14-րդ դատարանում ընթացող Դինքի սպանության գործով դատավարությանը դատարանը 85 մեղադրյալներից 4-ին ազատ արձակելու որոշում է կայացրել։ Դատարանը որոշումը հիմնավորել է այն հանգամանքով, որ ցուցմունքներում այդ անձանց հանցակցությունը հիմավորող փաստեր չկան, բացի այդ հիշյալ անձիք դեռ ծառայում են եւ նրանց աշխատանքի վայրից տեղեկանքներ կան, որ նրանք չեն հանդիսանում գյուլենականներ։

Ազատ արձակված 4 մեղադրյալները ծառայում են Տրապիզոնի ժանդարմերիայում եւ բարձ պաշտոններ են զբաղեցնում։

Այս որոշումից հետո դատարանը հաջորդ նիստի օր նշանակել է հոկտեմբերի 2-ը։