Մեղրիում տան տանիք է այրվել
21:30, 23 Հունվար 2020
ԵՐԵՎԱՆ, 23 ՀՈՒՆՎԱՐԻ, ԱՐՄԵՆՊՐԵՍ: ՀՀ արտակարգ իրավիճակների նախարարության 911 ահազանգման կենտրոնը հունվարի 23-ին, ժամը 17:16-ին 911 տեղեկություն է ստացել, որ Սյունիքի մարզի Մեղրի քաղաքի Մրգանուշ փողոցի 1-ին նրբանցքի տներից մեկի տանիքից ծուխ է նկատվում:
Դեպքի վայր է մեկնել ԱԻՆ փրկարար ծառայության մարզային փրկարարական վարչության հրշեջ-փրկարարական ջոկատի երկու մարտական հաշվարկ:
Պարզվել է, որ այրվում է տան տանիքը:
Ինչպես «Արմենպրես»-ին տեղեկացրին ՀՀ ԱԻՆ տեղեկատվության և հասարակայնության հետ կապերի վարչությունից, հրդեհը մեկուսացվել է ժամը 17:51-ին, մարվել՝ 17:57-ին: Մասամբ այրվել է տան տանիքը (մոտ 2 քմ):
Բաժանորդագրվեք մեր ալիքին Telegram-ում