«Իմ քայլը» խմբակցության պատգամավորները հանդիպում ունեցել են կառավարության կողմից առաջադրված ՍԴ դատավորի թեկնածուի հետ, իսկ Դատավորների ընդհանուր ժողովի առաջադրած թեկնածուի հետ դեռ հանդիպում չենք ունեցել: Այս մասին «Առաջին լրատվական»-ի հետ զրույցում նշեց ԱԺ «Իմ քայլը» խմբակցության պատգամավոր Քրիստինե Պողոսյանը:
«Վերջնական որոշում մեր խմբակցությունը դեռ չունի, որոշում կայացնելու համար դեռ ժամանակ ունենք: Եթե իմ կարծիքն եք հարցնում, ապա ես կարծում եմ, որ այո, վերջապես ազատագրված Սահմանադրական դատարանը և ՀՀ քաղաքացիներն ունեն իրավունք ունենալու թեկնածու և դատավոր, որի անձի շուրջ չի լինի որևէ քննարկում: Այսինքն իմ անձնական կարծիքով մենք պետք է ունենանք այնպիսի թեկնածուներ, որոնց հետ կոնսենսուս կլինի և շատ ավելի լավ կլինի, որ այդ մարդու մասին ոչ ոք ոչինչ լսած չլինի»,-ասաց նա: