1809 դիտում
11:59 28-09-2018
Հայաստանի և Ուրուգվայի ԱԳ նախարարներն քննարկել են համագործակցության հետագա ընդլայնմանն առնչվող հարցեր
Սեպտեմբերի 27-ին Նյու Յորքում տեղի է ունեցել Հայաստանի և Ուրուգվայի ԱԳ նախարարներ Զոհրաբ Մնացականյանի և Ռոդոլֆո Նին Նովոայի հանդիպումը: Ինչպես տեղեկացրին ՀՀ ԱԳՆ լրատվության և հանրային դիվանագիտության վարչությունից, նախարարները քննարկել են ինչպես երկկողմ, այնպես էլ բազմակողմ ձևաչափերում առկա սերտ համագործակցության հետագա ընդլայնմանն անչվող հարցեր: Երկուստեք ընդգծվել է բարեկամ պետությունների արտաքին քաղաքական գերատեսչությունների միջև խորհրդակցությունների անցկացման կարևորությունը:
Նախարար Մնացականյանը նշել է, որ չնայած Հայաստանի և Ուրուգվայի միջև առկա աշխարհագրական հեռավորությանը, մեր երկու երկրներին միավորում են ամուր բարեկամությունը և հանձնառությունը համամարդկային արժեքների նկատմամբ: Երկուստեք առանձնահատուկ ընդգծվել է Ուրուգվայի հայ համայնքի ակտիվ ներգրավվածությունը երկրի կյանքի տարբեր ոլորտներում և կամրջող դերակատարությունը երկու պետությունների և ժողովուրդների բարեկամության ամրապնդման գործում:
Հայաստանի ու Ուրուգվայի ԱԳ նախարարները մտքեր են փոխանակել տարածաշրջանային խնդիրների և դրանց կարգավորման ուղղությամբ գործադրվող ջանքերի շուրջ: Նախարար Մնացականյանն իր ուրուգվայցի գործընկերոջը ներկայացրել է ղարաբաղյան հիմնախնդրի խաղաղ կարգավորման գործընթացի առնչությամբ հայկական կողմի դիրքորոշումներն ու առաջնահերթություններն՝ ընդգծելով բանակցային գործընթացի առաջմղման համար խաղաղությանը նպաստող մթնոլորտի ձևավորման անհրաժեշտությունը։
Նմանատիպ նյութեր
1110 դիտում
13:59 14-10-2022
Քննարկվել են Հայաստանի և Իսպանիայի միջև առևտրատնտեսական համագործակցության ընդլայնմանն առնչվող հարցեր
1032 դիտում
22:30 12-03-2019
Քննարկվել են հայ-ղազախական համագործակցության ընդլայնմանն առնչվող հարցեր
Այս բաժնից
298 դիտում
13:50 28-03-2024
Երևանում կիրականացվի 3-րդ Զատկական փառատոնը
253 դիտում
13:37 28-03-2024
Սյունիքի, Լոռու, Կոտայքի, Գեղարքունիքի մարզերի 33 ազդակիր բնակավայրերին կհատկացվի ռոյալթիների 2 տոկոսը
304 դիտում
13:25 28-03-2024
Երկրում շատ շենքեր են կառուցվել. մարզպետը` Շուռնուխում 3 տարի չկառուցվող տների մասին