Երևանի քաղաքապետարանը սկսեց ապամոնտաժել Օպերայի հարակից տարածքում գտնվող սրճարանները, ինչը առաջացրեց սրճարանների սեփականատերերի և աշխատողների բողոքի ալիքը։ Հանրությունը բաժանվեց երկու մասի․ մի մասը գտնում է, որ իշխանությունները ճիշտ են և հաստատակամ ու մինչև վերջ ցանկանում են գնալ բարեփոխումների՝ ցուցաբերելով քաղաքական կամք։ Իսկ մյուս մասը գտնում է, որ դեռևս ժամանակը չէր և չարժեր այդքան մարդու զրկել աշխատատեղից։ Ինչպիսի՞ն են ձեր դիտարկումներն այս փաստի շուրջ «Առաջին լրատվական»-ի հարցին լրագրող Կարպիս Փաշոյանն ասաց․ «Երբ ասում են ժամանակը չի, բա, ե՞րբ ա էդ ժամանակը։ Կամ ուրիշ խնդիրներ են մատնանշում, ասում են՝ Մոնումենտում էս խնդիրը կա, ինչու են հենց էդտեղից սկսել։ Ինչ-որ մի տեղից պետք է սկսեին, չէ՞, կամ ինչ-որ ժամանակ պետք է սկսեին, չէ՞։
Օրինաչափություն կա, որ արժեքները, գաղափարները սաղմնավորվում են կենտրոնում, և հետո նոր ճյուղավորվում են դեպի ծայրամասեր։ Բնականաբար պետք է սկսեին Երևանի կենտրոնից»։
Իսկ սոցիոլոգ Արտակ Սաղաթելյանն ասաց․ «Ես համաձայն եմ այն մտքի հետ, որ քրեաօլիգարխիան չի ուզում զիջել իր դիրքերը, բայց այստեղ դասակարգային պայքար ես դեռևս չեմ տեսնում, որովհետև քրեաօլիգարխիան իր թվաքանակով չափազանց փոքր է, որպեսզի կարողանա դասակարգային պայքար մղել։ Ամեն դեպքում, այստեղ գոյություն ուներ մի խումբ տնտեսվարողների շահ, որոնք իրենց աշխատակիցների հետ դուրս էին եկել պայքարի ընդամենը իրենց աշխատանքի համար»։
Մանրամասները՝ տեսանյութում։