ԵՐԵՎԱՆ, 19 հունվարի. /Նովոստի-Արմենիա/. Ադրբեջանի արտաքին գործերի նախարարությունը վերջնագրային է անվանել ՌԴ ԱԳՆ տոնայնությունը հայկական արմատներով ռուսաստանցիների` Ադրբեջան մուտք գործելու արգելքի վերաբերյալ, ասվում է նախօրեին Ադրբեջանի արտաքին քաղաքական գերատեսչության մամուլի ծառայության տարածած հաղորդման մեջ, հայտնում է
ՏԱՍՍը:
«Ադրբեջանը և Ռուսաստանն իրավահավասար ինքնիշխան պետություններ են, Ադրբեջանի հետ վերջնագրի երանգով խոսելն անընդունելի է և հակասում է դիվանագիտության էթիկական նորմերին»,- ասվում է հաղորդման մեջ:
Загружается новость ...
"Право"
Ադրբեջանական կողմի կարծիքով, «ՌԴ ԱԳՆ մամուլի ծառայության անհասկանալի համառությունն այս հարցում դժվար է հասկանալ»: «Այն հակասում է Ադրբեջանի և Ռուսաստանի միջև ռազմավարական հարաբերությունների էությանը: Միաժամանակ, նման մոտեցումը որևէ կերպ չի համապատասխանում Ադրբեջանի և Ռուսաստանի նախագահների դրսևորած կամքին և երկու պետությունների միջև հարաբերությունների զարգացման ուղղությամբ տարված աշխատանքին»,- ընդգծվում է հաղորդման մեջ:
Ադրբեջանի արտաքին քաղաքական գերատեսչությունում նշել են նաև, որ «ադրբեջանական կողմը համարժեք քայլեր կձեռնարկի ՌԴ ԱԳՆ-ի մամուլի ծառայության հետագա քայլերին համապատասխան»: -0-
