Վարչապետ․ Քոչարյանն ու Օսկանյանն են ճանաչել ԼՂ-ն Ադրբեջանի կազմում, Սարգսյանն էլ թողել է կապիտուլյացիայի թուղթը և հեռացել

Վարչապետ․ Քոչարյանն ու Օսկանյանն են ճանաչել ԼՂ-ն Ադրբեջանի կազմում, Սարգսյանն էլ թողել է կապիտուլյացիայի թուղթը և հեռացել

PanARMENIAN.Net - Վարչապետ Նիկոլ Փաշինյանն ԱԺ–ում կառավարության հետ հարցուպատասխանի ժամանակ ասել է, որ կան մարդիկ, որոնք իշխանությանը մեղադրում են ԼՂ-ն Ադրբեջանի կազմում ճանաչելու մեջ։ Ըստ նրա՝ այդ մեղադրանքները պետք է ուղղել նախորդ իշխանություններին, մասնավորապես՝ երկրորդ և երրորդ նախագահներին։

«Այո, ՀՀ-ն ճանաչել է Ղարաբաղն Ադրբեջանի կազմում, դրա հեղինակը (երկրորդ նախագահ,- խմբ) Ռոբերտ Քոչարյանն ու (ԱԳ նախկին նախարար,- խմբ) Վարդան Օսկանյանն են»,-ասել է Փաշինյանը՝ հավելելով, որ այն պահից, երբ ՀՀ-ն ընդունել է Մադրիդյան սկզբուները որպես բանակցային գործընթազցի հիմք, այդ պահից ճանաչել է ԼՂ-ն Ադրբեջանի մաս։

«ԼՂ–ն Ադրբեջանի մաս ճանաչելը եղել է որպես իշխանություն ստանձնելու նախապայման: (Երրորդ նախագահ,- խմբ.) Սերժ Սարգսյանն ու (ԱԳ նախկին նախարար,- խմբ.) Էդվարդ Նալբանդյանն էլ են Լեռնային Ղարաբաղը ճանաչել Ադրբեջանի մաս։ Ռոբերտ Քոչարյանը Ղարաբաղը ճանաչել է Ադրբեջանի մաս և 1998–ին որպես իշխանությունը ստանձնելու նախապայման Ղարաբաղը դուրս է թողել բանակցային գործընթացից»,– ասել է Փաշինյանը։

Ըստ Փաշինյանի՝ Սերժ Սարգսյանը սեղանին թողել է կապիտուլյացիայի թուղթը և հեռացել:

Վարչապետը հավելել է, որ իրենց իշխանությունը պայքարել է այդ որոշումների դեմ, բայց չի հաջողել։

«Երևի, ժամանակ է խոստովանել, որ չենք էլ հաջողելու»,- ասել է նա։

«Ո՞ւմ վրա են ինչ ուզում բարդել։ Իրենք են ստորագրել իրենց կոտրած ձեռքերով, մենք անկեղծ պայքարել ենք դա հետ շրջելու համար»,- ասել է Փաշինյանը։ ‌

Մադրիդյան սկզբունքներն ընդունվել են 2007-ին նոյեմբերին Մադրիդում՝ ԵԱՀԿ Մինսկի խմբի կողմից Արցախյան հակամարտության հետ կապված բանակցությունները վարող Հայաստանին և Ադրբեջանին խնդրի կարգավորման նպատակով։ Հիմնարար սկզբունքները մասնավորապես ենթադրում են՝ 1) նախկին ԼՂԻՄ շրջապատող տարածքների հանձնում Ադրբեջանին, 2) Արցախի միջանկյալ կարգավիճակ, նրա անվտանգության և ինքնակառավարման երաշխիքների տրամադրումով, 3)Հայաստանը Արցախին կապող միջանցք,4)Արցախի վերջնական իրավական կարգավիճակի հետագա սահմանում իրավականորեն պարտադիր կամարտահայտման միջոցով, 5)ներքին տեղահանված և փախստականների՝ իրենց բնակության նախկին վայրերը վերադառնալու իրավունք, 6)անվտանգության միջազգային երաշխիքներ, որոնք կներառեն նաև խաղաղապահ գործունեություն։

 Ուշագրավ
Նա նշել է, որ այժմ միայն ինստիտուցիոնալ բարեփոխումներ և բովանդակային աշխատանք պետք է արվի
Նա նշել է, որ երկրների միջև ռազմատեխնիկական համագործակցությունը երկար ավանդույթ ունի
Նա չկար ՀՀ վերադարձած հայ գերիների թվում, թեև ավելի վաղ Ադրբեջանում հրապարակած ցուցակում նրա անունն ընդգրկված էր
Փաշինյանի հեռախոսազրույցը Ղազախստանի նախագահ Կասիմ-Ժոմարտ Տոկաևի հետ
---