Ռուսաստանի նախագահ Վլադիմիր պուտինը պատմել է, թե ինչպես է այցելել Սիրիայում Հմեյմիմի ռազմակայան:
Նրա խոսքով, ինքը կարողացել է անձամբ այցելել Սիրիա՝ ահաբեկիչների պարտությունից հետո, քանի որ ավելի վաղ անվտանգության ապահովման խնդիրներ են եղել: Անվտանգությունն ապահովել են ցամաքից:
Հմեյմիմի ռազմակայանում վայրէջքի ժամանակ, Պուտինի օդանավին ուղեկցող կործանիչները թռել են մի փոքր ավելի ցածր, որպեսզի անհրաժեշտության դեպքում իրենց վրա վերցնեն հրթիռի հնարավոր հարվածը: «Ես շնորհակալ եմ նրանց»,-ասել է ՌԴ նախագահը:
Սիրիայում փախստականների վերաբերյալ հարցին Պուտինը պատասխանել է, որ այդ խնդրից բազմաթիվ մարդիկ են տառապում: Ամենից շատ ճամբարներ, ըստ նրա, կան Թուրքիայում, ինչպես նաեւ Հորդանանում, ԵՄ երկրներում եւ այլն: «Ռուսաստանը պատրաստ է լուծել փախստականների խնդիրը, բայց միջազգային միավորման կազմում, քանի որ միայնակ ոչ ոք այդ խնդիրն ի զորու չէ լուծել«-ասել է Պուտինը:
