ԵՐԵՎԱՆ, 2 օգոստոսի. /Նովոստի–Արմենիա/. Հուլիսի 12–ին Երևանի կենտրոնում գտնվող գեղեցկության սրահում գողություն է կատարվել։
Ինչպես հայտնում է ՀՀ քննչական կոմիտեի մամուլի ծառայությունը, գողության փաստով հարուցված քրեական գործով միջոցներ են ձեռնարկվում՝ պարզելու գեղեցկության սրահից գողություն կատարած անձի ինքնությունը։
Նախնական տվյալներով, հուլիսի 12-ին ժամը 14:00-16:00-ի սահմաններում, ենթադրյալ հանցագործություն կատարած անձը Սայաթ-Նովա փողոցում գործող գեղեցկության սրահից գաղտնի հափշտակել է քաղաքացու դրամապանակը, որի մեջ եղել է կանխիկ գումար:
Դեպքի առթիվ հարուցվել է քրեական գործ՝ ՀՀ քրեական օրենսգրքի 177-րդ հոդվածի 1-ին մասի հատկանիշներով:
«Նախաքննության ընթացքում ստացվել են գեղեցկության սրահում գործող անվտանգության տեսախցիկների՝ տվյալ օրվա տեսագրությունները, ենթարկվել զննության: Տեսանյութում երևում է, թե ինչպես է երիտասարդ տղան վերցնում ինչ-որ իր»,– ասվում է կոմիտեի հաղորդման մեջ։
Загружается новость ...
"Право"
Քրեական գործով բազմակողմանի, օբյեկտիվ և լրիվ քննությունն ապահովելու նպատակով միջոցներ են ձեռնարկվում՝ տեսանյութում պատկերված երիտասարդին հայտնաբերելու ուղղությամբ։
Կոմիտեից խնդրում են նշված անձին ներկայանալ վարույթն իրականացնող մարմնին, իսկ նրանք, ովքեր շճանաչում են տվյալ անձին, կարող են հայտնել ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժին: -0-