Կորոնավիրուսից մահացած կնոջ կորած դին գտել են․ Արտաշիրիմում կարվի

Կորոնավիրուսից մահացած կնոջ կորած դին գտել են․ Արտաշիրիմում կարվի

PanARMENIAN.Net - Կորոնավիրուսի հետևանքով մահացած տատիկի կորած դին գտնվել է, այն սխալմամբ հանձնվել էր այլ անձանց, որոնք և կնոջը հուղարկավորել էին՝ կարծելով իրենց տատիկն է, ֆեյսբուքյան իր էջում գրել է «Բարգավաճ Հայաստան» կուսակցության պատգամավոր Նաիրա Զոհրաբյանը։

«Ինչպես և ենթադրելի էր, անփութության հետևանքով տատիկին հանձնել էին այլ անձանց, որպես իրենց հանգուցյալ, և տատիկը հուղարկավորվել էր Նոր Հաճնի գերեզմանոցում։ Այս պահին տատիկի հարազատները ոստիկանական բաժանմունքում են, որից հետո սահմանված կարգով կիրականացվի արտաշիրիմում և տատիկի դին կտեղափոխվի Գյումրի»,- գրել է Զոհրաբյանը։

Պատգամավորը նշել է, որ մյուս տարեց կնոջ դին, որի փոխարեն հուղարկավորել էին գյումրեցի տատիկին կհանձնեն հարազատներին։

Ավելի վաղ հայտնի դարձավ, որ հունիսի 29-ի առավոտյան Սբ Գրիգոր Լուսավորիչում կորոնավիրուսից մահացած տատիկի դին չեն կարողանում գտնել: Առողջապահության նախարարությունն արձագանքել էր դեպքին՝ նշելով, որ հանգամանքները ճշտելու համար տեղեկացված է ոստիկանությունը:

Հայաստանում հուլիսի 2-ի դրությամբ կորոնավիրուսով վարակի դեպքերը հասել են 26,658-ի։ Ընդհանուր առմամբ, կորոնավիրուսից մահվան 459 դեպք կա, այլ պատճառով՝ 153։ Առողջացածների ընդհանուր թիվը 15,036 է։ Փաստացի բուժվողների թիվը 11,010 է։

 Ուշագրավ
Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները
Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար
Ամփոփվել են միասնական քննությունների առաջին փուլի արդյունքները
Հաջորդ հումանիտար բեռը նախատեսվում է տրամադրել Խարկովի հիվանդանոցներից մեկին
---