Հաստատվել են Կոտայքի մարզի տարբեր համայնքներից Տարածքային կառավարման եւ զարգացման նախարարություն սուբվենցիոն ծրագրով ֆինանսավորման ներկայացված 17 հայտեր: Ծրագրի ընդհանուր բյուջեն կազմում է 609 մլն 700 հազար դրամ:
Քաղաքային եւ գյուղական մի շարք համայնքներում իրականացվելու են հետեւյալ ծրագրերը.
Գեղաշեն – Համայնքի խմելու ջրի ջրագծերի կառուցում, Ակունք – Զառ բնակավայրի ոռոգման ցանցի վերանորոգում, Նոր Գյուղ բնակավայրի կոյուղու արտաքին ցանցի վերանորոգում, Հատիս բնակավայրի խմելու ջրի ջրատարի հիմնանորոգում. Նոր Երզնկա – Համայնքային ճանապարհների ասֆալտապատում, Քասախ – Համայնքային ճանապարհների ասֆալտապատում, համայնքապետարանի վարչական շենքում «Մեկ պատուհանի» սկզբունքի ներդրում եւ խորհրդակցության դահլիճի վերանորոգում ու կահավորում, Էներգախնայողության ծրագիր, Քանաքեռավան – Ներհամայնքային ճանապարհների վերանորոգում, մշակույթի տան վերանորոգում, փողոցային լուսավորության անցկացում, Բյուրեղավան – Մշակույթի տան կապիտալ նորոգում, Պուրակի կառուցում, Մեղրաձոր – Աղբահանության եւ կոմունալ տնտեսության կազմակերպման համար տեխնիկայի ձեռքբերում, Առինջ - ճանապարհների բարեկարգում:
Ծրագրերի մի մասն արդեն իրականացման փուլում է, մյուսներին ընթացք կտրվի փուլային ընթացակարգերով:
Սուբվենցիոն ֆինանսավորման ներկայացված եւս 14 ծրագրային հայտեր հանձնաժողովի կողմից կուսումնասիրվեն հաջորդ նիստերի ընթացքում:
