Բաշար Ասադը Հայաստանում Սիրիայի նոր դեսպան է նշանակել
19:33, 18 Հուլիս 2017
ԵՐԵՎԱՆ, 18 ՀՈՒԼԻՍԻ, ԱՐՄԵՆՊՐԵՍ: Սիրիայի նախագահ Բաշար Ասադն ընդունել է Հայաստանում, Հարավային Աֆրիկայում ու Կուբայում երկրի նորանշանակ դեսպաններին։ Ինչպես հաղորդում է «Արմենպրես»-ը, վկայակոչելով Sana գործակալությունը, Հայաստանում Սիրիայի արտակարգ և լիազոր դեսպան է նշանակվել Մոհամադ Ահմադ Հաջ Իբրահիմը:
Բաշար Ասադը երդմնակալության արարողությունից հետո առանձին ընդունել է դեսպաններին, տվել հանձնարարականներ և մաղթել հաջողություններ հետագա գործունեության ընթացքում:
Հանդիպմանը ներկա է եղել նաև Սիրիայի փոխվարչապետ, արտաքին գործերի նախարարն Վալիդ ալ-Մոալլեմը:
Բաժանորդագրվեք մեր ալիքին Telegram-ում