 Բաքուն դեմ է, որ ՀՀ-ում մետալուրգիական գործարան կառուցվի և «վտանգավոր է համարում այդ պլանը» 8 հունիսի 2023 - 12:55 AMT PanARMENIAN.Net - Ադրբեջանի բնապահպանության և բնական պաշարների նախարարությունը հայտարարություն է տարածել ՀՀ տարածքում, Նախիջևանի հետ սահմանակից վայրում, մեծ մետալուրգիական գործարանի կառուցման կապակցությամբ՝ «վտանգավոր» որակելով «այդ պլանները»։ Բաքուն այդպես է արձագանքել ՀՀ էկոնոմիկայի նախարար Վահան Քերոբյանի գրառմանը։ Քերոբյանը ֆեյսբուքյան իր էջում գրել էր, որ Երասխում կառուցվում է 70 մլն դոլար ներդրմամբ խոշոր հայ-ամերիկյան մետալուրգիական գործարան զրոյից։ Արտադրամասը 30 մ բարձրությամբ ու 16,500 քմ մակերեսով շենք է, որտեղ տարեկան թողարկվելու է 180,000 տոննա արտադրանք։ «Սա նշանակում է, որ Հայաստանը հերթական անգամ կոպտորեն խախտում է միջազգային իրավունքի նորմերն ու սկզբունքները, հատկապես ՄԱԿ անդրսահմանային համատեքստում շրջակա միջավայրի վրա ազդեցության ՄԱԿ Եվրոպական տնտեսական կոնվենցիայի (Էսպօ կոնվենցիա) դրույթները»,-ասվում է հայտարարության մեջ, գրում է Haqqin.az-ը։ Ըստ Ադրբեջանի, Հայաստանը պետք է իր գործողությունները համաձայնեցներ Ադրբեջանի հետ և պետք է շրջակա միջավայրի վրա ազդեցության փաստաթուղթ պատրաստվեր։ Նշվում է նաև, որ որոշ ժամանակ առաջ Ադրբեջանը հայց է ներկայացրել ՀՀ դեմ Էսպո կոնվենցիայի շրջանակում՝ ՀԱԷԿ-ի նոր էներգաբլոկի կառուցման հարցով։ Ադրբեջանական նախարարությունը «խստորեն դատապարտում է ՀՀ գործողությունները» և կոչ է անում միջազգային հանրությանը «հատուկ ուշադրություն դարձնել այս հարցին»։   Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը   |  Վերջին լուրեր Տավուշցիները կրկին բողոքի են դուրս եկել  Նրանք ընդգծել են, որ իրենց բոլորովին այլ կերպ են ներկայացրել իրավիճակըՓաշինյան. Առաջին անգամ Հայաստանը և Ադրբեջանը սեղանի շուրջ հարց են լուծել, պետք է գնահատենք «Շատ կարևոր է արձանագրել»,–ասել է նաԳուտերեշը կոչ է արել Ադրբեջանին և ՀՀ–ին լուծել բոլոր հարցերը հարաբերությունների կարգավորման համար Գլխավոր քարտուղարն ուշադիր հետևել է Հայաստանի և Ադրբեջանի միջև հարաբերությունների կարգավորման գործընթացինԿլաարը հուսադրող է անվանել ՀՀ և Ադրբեջանի միջև սահմանազատման մեկնարկի մասին լուրը «ԵՄ–ն լիովին սատարում է բանակցային գործընթացին, որի նպատակը համապարփակ և կայուն կարգավորումն է»,–գրել է նա |
