Հրշեջ-փրկարարները մարել են 544 հա խոտածածկ տարածքներում բռնկված հրդեհները
ԵՐԵՎԱՆ, 22 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ արտակարգ իրավիճակների նախարարության Ճգնաժամային կառավարման ազգային կենտրոնը դեկտեմբերի 21-ին 10 ահազանգ է ստացել հանրապետության տարբեր խոտածածկ տարածքներում բռնկված մոտ 200 քմ և ավելի տարածք ընդգրկող հրդեհների վերաբերյալ:
Ինչպես «Արմենպրես»-ին տեղեկացրին ՀՀ ԱԻՆ տեղեկատվության և հասարակայնության հետ կապերի վարչությունից, Լոռու մարզի Տաշիր քաղաքում այրվել է 500 քմ, Շնող գյուղում՝ մոտ 1.5 հա, Ազնվաձոր գյուղում՝ 10 հա, Մարց և Քարինջ գյուղերի միջև գտնվող անտառում՝ մոտ 10 հա և 40 կոճղ, Դաշտադեմ գյուղի մոտ՝ 120 հա,
Սյունիքի մարզի Ույծ գյուղում՝ մոտ 2 հա,
Տավուշի մարզի Դիլիջան քաղաքում՝ մոտ 2 հա խոտածածկ տարածք և 100 կոճղ, 700 քմ,
Տաշիր-Պրիվոլնոյե ավտոճանապարհին՝ մոտ 400-500 հա, Ուրասար-Կաթնաղբյուր ավտոճանապարհին՝ մոտ 5000 քմ խոտածածկ տարածք:
Հրշեջ-փրկարարները հրդեհները մեկուսացրել են և մարել:
Բաժանորդագրվեք մեր ալիքին Telegram-ում