Քեմբրիջի դուքսը և դքսուհին՝ արքայազն Ուիլյամը և Քեյթ Միդլթոնը մասնակցել են Լոնդոնում Սուրբ Պատրիկի օրվա կապակցությամբ Իռլանդական գվարդիայի ամենամյա շքերթին։ Ի դեպ, Սուրբ Պատրիկն Իռլանդիայի հովանավոր սուրբն է, գրում է Daily Mail-ը։
Իռլանդական գվարդիայի գնդապետ արքայազն Ուիլյամը ռազմական համազգեստ է կրել, իսկ Քեյթ Միդլթոնը կանաչ հագուստ է կրել, որն Իռլանդիայի ավանդական գույնն է։
37-ամյա դքսուհին Alexander McQueen ապրանքանիշի վերարկուով էր՝ զարդարված Cartier ապրանքանիշի կրծքազարդով։ Երեքնուկի տեսքով զարդը նա վերցրել է Եղիսաբեթ II թագուհուց՝ այդ իրադարձության համար։ Քեյթը կրել է նաև Kiki McDonough ապրանքանիշի 4700 դոլար արժողութամբ ականջօղեր՝ կանաչ տուրմալինով և ամետիսով։
Քեյթն Իռալնդիայի խորհրդանիշը՝ երեքնուկի ճյուղը նվիրել է Դոմնալ անունով շանը, որը գվարդիկայի թալիսմանն է և ղեկավարում է ընթացակարգը։ Դքսուհին եռատերևներ է բաժանել նաև սպաներին, որից հետո ճաշկերույթի ժամանակ գարեջուր է ըմպել։
