Բավականին լուրջ քարոզչական արշավ է սկսվել՝ Սահմանադրական դատարանի լիազորությունները յուրացնելու մեղադրանքով Արա Բաբլոյանի և Արսեն Բաբայանի ներգրավվածությամբ պայմանավորված: «Առաջին լրատվական»-ի հետ թեմայի շուրջ զրույցում փաստաբան Տիգրան Եգորյանը նշեց. «Մեղադրանքը ՔՕ 300-րդ հոդվածով է՝ ՍԴ լիազորությունների յուրացում: Սրա վերաբերյալ բավականին ծանրակշիռ իրավաբաններ և «իրավագանգեր» վերլուծություններ են կատարում, որ ՍԴ լիազորությունների յուրացման կապակցությամբ այս մեղադրանքն առհասարակ հնարավոր չէ առաջադրել:
ՍԴ-ն ունի լիազորություններ, որոնք թվարկված են 168-րդ հոդվածով, դրանք արտաքին ներգործության լիազորություններն են: Եվ կան լիազորություններ, որոնք վերաբերում են դատարանակազմությանը և դատարանի գործունեությանը, դրանք շարադրված չեն 168-րդ հոդվածում, բայց այն, որ այդ լիազորությունները շարադրված չեն «Լիազորություններ» վերնագրով հոդվածի ներքո, դա չի նշանակում, որ դադարում են լիազորություններ լինելուց:
Սահմանադրական դատարանի կողմից ՍԴ նախագահի ընտրությունը, որը նույնպես նախատեսված չէ 168-րդ հոդվածով, լիազորություն է, որը վերապահված է դատարանի 9 դատավորներին:
Հենց այս լիազորության յուրացմամբ է պայմանավորված հարուցված այն գործը, որի շրջանակներում կալանավորվել է Արսեն Բաբայանը և հարցաքննվել՝ Արա Բաբլոյանը:
«Արա Բաբլոյանը Սահմանադրական դատարանի անդամ նշանակելու հիմնավորմամբ դադարեցրել է Հրայր Թովմասյանի պատգամավորությունը»,- նշեց փաստաբանը: Ինչո՞ւ է Արսեն Բաբայանը կալանավորվել, իսկ Արա Բաբլոյանը՝ ոչ: Տ. Եգորյանն անդրադարձավ նաև այս և մի շարք այլ հարցերի՝ ընդգծելով. «Այն, որ Արսեն Բաբայանի կալանավորման որոշման կապակցությամբ դատարանը միակարծիք է եղել վարույթն իրականացնող մարմնի հետ, հստակ է դարձնում, որ ազատությունից զրկելու անհրաժեշտության համար փաստերը և հիմքերը բավարեր են եղել և ապացուցված են եղել»:
Մանրամասն՝ տեսանյութում: