«Մեր գյուղում հիմնականում կարտոֆիլ, կաղամբ կա, բայց հիմա, էս խնդրի հետ կապված, մարդիկ վախենում են իրենց ապրանքն առնել ու գնալ շուկա՝ վաճառելու»,- «Առաջին լրատվական»-ի հետ զրույցում իրենց խնդիրներն է ներկայացնում Վարդենիս համայնքի ֆերմեր Վարդան Հովհաննիսյանը՝ միաժամանակ հավելելով, որ հիմա ամբողջ հանրապետությունն է այդ վիճակում:
Նրա խոսքով՝ հիմա էլ հրաման կա, որ 10 քառ. մետրից ավելի տարածքում մեկ հոգուց ավելի մարդ չպետք է կանգնի. «Ոնց տանեն իրացնեն, ոնց շփվեն մարդկանց հետ, և մարդիկ վախից տանից դուրս չեն գալիս: Հարևանս մահացել ա, մարդիկ նույնիսկ վախենում են պանիխիդա գնալ»:
Մեր զրուցակիցը, համենայնդեպս, փառք տվեց Աստծուն. «Մենք կարանք մեր ժողովրդին սնունդով ապահովել: Մինչև գարուն մենք ապահովենք, գարնանն էլ՝ մեր Արարատյան դաշտավայրը, որ էս վիճակից դուրս գանք»:
Մանրամասն՝ տեսանյութում: