«ՄԱԿ-ը գոյություն ունի՞ ՀՀ-ի եւ Արցախի համար, թե՞ ոչ». ՀՀ-ում ՄԱԿ-ի գրասենյակի դիմաց բողոքի ակցիա է

Միավորված ազգերի կազմակերպության հայաստանյան գրասենյակի դիմաց մոտ մեկ ժամ է, ինչ բողոքի ակցիա է: «Կա՛մ արեք ձեր գործը, կա՛մ հեռացեք» վանկարկումներով ՀՀ քաղաքացիները դժգոհություն են հայտնում ադրբեջանական զինված ուժերի ագրեսոր վարքագծի նկատմամբ ՄԱԿ-ի՝ այս օրերին դրսեւորած չեզոք վերաբերմունքից:

Հիշեցնենք՝ Ադրբեջանում ՄԱԿ-ի մշտական համակարգող Գուլամ Իսակզային հոկտեմբերի 12-ին Թվիթերի իր միկրոբլոգում գրել էր, որ այցելել է «խոշոր հարձակման ենթարկված Գյանջա քաղաքի բնակելի տարածքներ» եւ ցավակցություն հայտնել մարդկային կորուստների եւ տուժածների համար: Դրանից հետո միայն հասարակական ճնշման ներքո հայտարարություն էր տարածել Հայաստանում ՄԱԿ-ի մշտական համակարգող Շոմբի Շարփը՝ վշտակցություն հայտնելով ՀՀ Գեղարքունիքի մարզում 14-ամյա տղայի ծանր վիրավորման վերաբերյալ եւ կրակի դադարեցման կոչ անելով: Ավելի ուշ արձագանք էր եղել նաեւ ՅՈՒՆԻՍԵՖ-ի հայաստանյան գրասենյակից, որը, սակայն, դարձյալ վերաբերում էր բացառապես ՀՀ տարածքում վիրավորված երեխային. Արցախի քաղաքացիական անձանց, ենթակառուցվածքների թիրախավորման վերաբերյալ որեւէ գնահատական ՄԱԿ-ը չի հնչեցրել:

Այսօրվա բողոքի ակցիայի մասնակիցների դժգոհության թիրախում ՄԱԿ-ի անվտանգության խորհրդատու Ինք Թենիլայն էր, որին ցուցարարները ներկայացրին ադրբեջանական զինված ուժերի ագրեսիայի հետեւանքով վիրավորված, զոհված քաղաքացիական անձանց, այդ թվում՝ երեխաների, ինչպես նաեւ՝ գնդակահարված գերիների լուսանկարները. «Ադրբեջանը ունի 10 քաղաքացիական զոհ, որի համար ամեն օր բարձրաձայնում եք, մենք ունենք 31 քաղաքացիական զոհ, որոնց մասին, սակայն, չի խոսվում»,- նշեցին նրանք:

Արձագանքելով ցուցարարների դժգոհությանը՝ Ինք Թենիլայը թարգմանչի միջոցով ասաց, որ իրենք գիտեն իրականությունը, ինչը ավելի զայրացրեց հավաքված քաղաքացիներին. «Եթե գիտեն, ինչո՞ւ են լռում, լռում են մեր ցավի դիմաց»,- բղավեցին նրանք:

Ինք Թենիլայը պնդեց, որ իրենք խոսում են այդ մասին իրենց զեկույցներում, ինչին, սակայն, ցուցարարները հակադարձեցին՝ հիշեցնելով Թվիթերի միկրոբլոկում դրսեւորած երկակի ստանդարտների մասին. «Մեր զոհերի մասին որեւէ գրառում, որեւէ գործնական քայլ չի արվում»:

Բողոքի ակցիայի նախաձեռնողներից Արմինե Մելքոնյանը հայտարարեց, որ ՄԱԿ-ը գլոբալ թքած ունի մեր իրականության վրա. «Մինչեւ ՄԱԿ-ը չխոսի մեր զինվորների անարգանքի մասին, որը իրենց կողմից դիտարկվում է որպես պատերազմական հանցագործություն, մինչեւ չխոսի գերիների մասին, որոնք գնդակահարվեցին միայն նրա համար, որ հայ էին, մենք չենք հեռանալու. սա 21-րդ դարի ցեղասպանությունն է հայերի նկատմամբ»:

Իրավիճակը ավելի լարվեց, երբ քաղաքացիները պահանջեցին Հայաստանում ՄԱԿ-ի ներկայացուցչի հետ հանդիպում, եւ պարզվեց, որ նա գրասենյակում չէ: ՄԱԿ-ի անվտանգության խորհրդատուն հետաքրքրվեց՝ արդյո՞ք ցուցարարները նրա հետ պայմանավորվել են հանդիպման համար, ինչին վերջիններս պատասխանեցին. «Իսկ Ադրբեջանը մեզ հետ պայմանավորվե՞լ էր պատերազմ սկսելուց առաջ»:

Ցուցարարները հետաքրքրվեցին, թե որտեղ է Հայաստանում ՄԱԿ-ի ներկայացուցիչը, ինչու այժմ հնարավոր չէ նրան կանչել այստեղ, ինչին արձագանքելով՝ Թենիլայն ասաց, որ ինքը չի կարող պատասխանել այդ հարցին, սակայն եթե հարցազրույց են ուզում, կարող է դա կազմակերպել: Թենիլայի այս խոսքը ավելի բորբոքեց ցուցարարներին, որոնք հետաքրքրվեցին, թե ինչու է նա եկել, եթե չի կարող պատասխանել իրենց հարցերին. «Կարծել է, թե ՄԱԿ-ին փոխանցելու նամակ ունեք»,- կողքից հուշեց թարգմանչուհին:

Ցուցարար Արմինե Մելքոնյանը հրապարակավ հայտարարեց, որ հայ երիտասարդները դեռեւս սեպտեմբերի 28-ին են ՄԱԿ-ին նամակ հանձնել, սակայն որեւէ արձագանք չեն ստացել. «Այսօր էլի նամակ եք ուզում՝ հետագա 17-18 օրերը մեզ լռեցնելու համար»,- ասաց նա:

Ցուցարարների թվում էր նաեւ հասարակական գործիչ Անահիտ Բախշյանը, որը, արձագանքելով Թենիլային, ասաց. «Այդ նամակները դուք կարող եք տեսնել հենց ձեր կայքերում, այդ նամակները աշխարհով փռված են, եւ դուք սպասում եք, որ մենք էլի՞ նամակ տանք»,- հարցրեց նա՝ պնդելով, որ առնվազն որպես ՄԱԿ-ի ներկայացուցիչ՝ Թենիլայի դիրքորոշումը չափազանց տարօրինակ է. «Ձեր դիրքորոշումը անհասկանալի, ոչ մարդանպաստ Է, հետեւաբար ձեր՝ այսուհետ արած բոլոր հայտարարությունները պիտի այս իրականությունից դուրս գան, մենք «բլա-բլա» խոսքեր լսելու ո՛չ ժամանակ, ո՛չ ցանկություն ունենք, մենք ուզում ենք լսել ՄԱԿ-ի հստակ դիրքորոշումը»:

Ցուցարարներից մեկի հարցին, թե ինչո՞ւ գործնական քայլեր չեն ձեռնարկում խաղաղության հաստատման համար, անվտանգության խորհրդատուն դարձյալ կրկնեց, որ այս պահին չի կարող ասուլիս տալ ԶԼՄ-ների համար:

Որեւէ ընդհանուր հայտարարի այդպես էլ չգալով՝ Թենիլայը հեռացավ. նա միայն նշեց, որ ցուցարարների խոսքերը կփոխանցի ՄԱԿ-ի համակարգողին. «Այո, կփոխանցեք, բայց մենք ուզում ենք կարճ ժամանակում տեղեկանալ այն քայլերի մասին, որ դուք պարտավոր էիք անել, մենք ուզում ենք կարճ ժամանակում իմանալ՝ ՄԱԿ-ը որպես կառույց գոյություն ունի՞ ՀՀ-ի եւ Արցախի համար, թե՞ ոչ»,- ասաց Անահիտ Բախշյանը:

Թենիլայի հեռանալուց հետո ցուցարարները հայտարարեցին, որ չեն գնալու, սպասելու են ՄԱԿ-ի հայաստանյան ներկայացուցչին. «Պետք լինի՝ տասը ժամ կսպասենք, պետք լինի՝ կքնենք, որովհետեւ մեր երեխաները սահմանին անգամ չեն քնում»:

Ակցիան այս պահին շարունակվում է. հնչում են «արդարություն», «Էրդողան՝ տեռորիստ» եւ այլ վանկարկումներ:

Տպել
7351 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում