ԵՐԵՎԱՆ, 20 ՀՈԿՏԵՄԲԵՐԻ, ԱՐՄԵՆՊՐԵՍ: Գյումրու Վ. Աճեմյանի անվան պետական դրամատիկական թատրոնը նոյեմբերի 1-ից եռօրյա հյուրախաղերով հադես կգա Երևանում: Մայրաքաղաքում իրականացվելիք ելույթները նվիրվում են ռեժիսոր ՀՀ ժողովրդական արտիստ Նիկոլայ Ծատուրյանի հոբելյանին (ծննդյան 70-րդ տարեդարձը լրացել է 2015 թվականին)։ 
Հյուրախաղերի աջակիցը ՀՀ մշակույթի նախարարությունն է։

«Արմենպրես»-ի հաղորդմամբ` նոյեմբերի 1-ին Ղափլանյանի անվան դրամատիկական թատրոնում կներկայացվի Կալինոսկիի «Հրեշը լուսնի վրա» դրաման, նոյեմբերի 3-ին Ստանիսլավսկու անվան ռուսական թատրոնում կցուցադրվի Կրասնոգորովի «Սիրո CASTING» լիրիկական կատակերգությունը,
նոյեմբերի 4-ին Ստանիսլավսկու անվան ռուսական թատրոնում կներկայացվի Մարգարյանի «Եվ երկինքէն երեք աթոռ ինկավ» երաժշտական ֆարսը։

Ներկայացումների ռեժիսորը ՀՀ ժողովրդական արտիստ, պրոֆեսոր Նիկոլայ Ծատուրյանն է, հյուրախաղերի աջակիցը՝ ՀՀ մշակույթի նախարարությունը։