ՈՒԵՖԱ-ն թույլատրել է հավաքականներին Եվրո-2020-ին հայտավորել ավելի շատ ֆուտբոլիստների
17:01, 4 Մայիս 2021
ԵՐԵՎԱՆ, 4 ՄԱՅԻՍԻ, ԱՐՄԵՆՊՐԵՍ: Ֆուտբոլի եվրոպական ասոցիացիան` ՈՒԵՖԱ-ն, թույլ կտա հավաքական թիմերին առավել ընդլայնված հայտացուցակ ունենալ Եվրո-2020-ի ժամանակ:
«Արմենպրես»-ի հաղորդմամբ` այս մասին գրում է ՈՒԵՖԱ-ի մամուլի ծառայությունը: Ընտրանիները 23 ֆուտբոլիստների փոխարեն կարող է հայտավորել 26 մարզիկի:
Եվրոպայի առաջնությունը կանցկացվի 2021 թվականին` հունիսի 11-ից հուլիսի 11-ը: Եվրոպայի առաջնության 60-ամյակի կապակցությամբ մրցաշարն արդեն կանցկացվի 12 քաղաքներում` Լոնդոնում, Մյունխենում, Սանկտ-Պետերբուրգում, Բաքվում, Սևիլիայում, Հռոմում, Բուխարեստում, Դուբլինում, Կոպենհագենում, Գլազգոյում, Բուդապեշտում, Ամստերդամում:
Բաժանորդագրվեք մեր ալիքին Telegram-ում